Pamulak: Paghalad sa abunda nga ani

LUYO sa kilom-kilom nga panahon, wa kini makapugong sa mga Dabawenyo, mga bisita lokal man o langyaw nga magsubay-subay sa kadalanan, kagahapon, aron mosaksi sa Pamulak sa Kadayawan ug Pitik sa Kadayawan, duha sa dagkong kalihukan subay sa 33rd Kadayawan Festival.

Katawhan, midagsa sa nag-unang kadalanan sa dakbayan, aron atangan ang mga floral floats ug maminaw ug molantaw sa performances sa mga grupong may bitbit nga nagkadaiyang musical instruments.

Sa Pitik sa Kadayawan, usa ka drum beating competition nga nagsubay sab sa tema sa selebrasyon, usa ka dayo ang milabni sa kadaugan.

Nagkampeyon ang Asuncion Drumbeaters nga mao say gihatagan sa Department Award.

Ang grupo mipauli nga may P230,000 nga premyo gikan sa duha ka pag-ila.

Ang Caraga Drumbeaters gikan sa Davao Oriental sab ang second placer nga mibitbit og P150,000.

Nabutang sa ikatulong pwesto ang Bambad National High School sa Isulan Sultan Kudarat nga may premyong P100,000.

Pulos sab nakabitbit og tag P50,000 nga premyo ang Davao Eagle Drumbeaters (4th) ug Mati National Comprehensive High School (5th).

Samtang tag-P10,000 sab matag isip consolation prizes, ang

1. Sto. Tomas National High School Beat Blasters; Kapitan Tomans Monteverde Sr. Elem. School Drumbeating; Perstropa Musicus Drumbeaters; Catalunan Pequeño NHS; Macarangao Agricultural Vocational HS; Padang-padang Festival Drum Beaters (Parang, Maguindanao); Music Knights Sinagila Ensemble ug Gatas LGBT.

Samtang ang Pamulak sa Kadayawan gibahin sa tulo ka kategoriya, ang Lahi (Alternative), Gamay (Small) ug Dako (Big).

Nanguna sa Lahi Category ang Davao Horse Club nga mipauli uban ang P100,000 nga premyo. Ikaduhang pwesto nakuha sa Dabawenyo UK Corporation (P50,000); ikatulo ang Man's Bestfriend (P30,000.00). Midawat sab og tag P10,000 ang One Ganap Guardians (GBHFI) ug El Lihok isip consolation prize.

Sa Gamay (Small) Category sa Pamulak sa Kadayawan, waging-wagi ang float gikan sa Teleperformance. Ang kompanya nga usa ka call center midawat og P300,000 nga premyo.

Ikaduha sab ang Camella Homes nga midawat og P200,000; third placer ang S&R (P100,000.00). Ug tag P30,000 sab ang Flower Section sa Agdao Public Market ug Palawan Pawnshop - Palawan Express Pera Padala isip consolation prize.

Samtang sa Dako (Big) Category, ang bonggang float sa Kisan Lu and Development Inc. maoy mibansiwag og taman gikan sa pito ka mga entries.

Nadag-an sa kompanya ang P700,000. Ikaduha ang International Pharmaceuticals Inc. (IPI) nga maoy midaug sa nakalabay nga tuig. Nabitbit sab niini ang P500,000 nga premyo.

Third placer ang Philippines Airasia Inc., (P300,000) nga unang na-anunsiyo sa consolation prize.

Samtang ang Krispy Kreme ug VXI Global Holdings miangkon og tag P50,000 isip consolation prize.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph