SUPERBALITA DAVAO

Genoguin: Mosurender na kaha si PRRD?

Kontra Balanse

ANGAY ba kaha nga tuhoan ang gisulti ni Pangulong Rodrigo Duterte nga dili na niya kaya ang problema sa Pilipinas, ug mosurender na siya?

Panahon sa kampanya, gitagalan lang sa Pangulo nga kanhi Davao City Mayor og unom ka bulan ang problema sa druga sa Pilipinas, ug kini tapuson gayod sa hingpit.

Paglabay sa unom ka bulan naghangyo siya og usa ka tuig nga lugway, apan karon magduha na tuig, wa mulorang ang shipment sa binulto nga druga gikan sa nasud China.

Bisan pa niini nga kitang tanan bilib sa pamaagi sa atong Presidente, tungod kay di lang ang mga pusher ang nahagba sa iyang kampanya, kon di, hasta man kadtong mga dagkong narco-politicians, tumba man sab.

Sa kasaysayan sa mga nasud sa kalibutan nga misulay sa pagpakgang sa problema sa druga, pakyas man gihapon sila, ngano kaha? Tungod ba kay gikuptan usab kini's mga dagkong mga organisasyon?

Sama nalang pananglit sa nasud America, Mexico, ug Columbia, wa nagmalampuson sa pagpakgang niining dakong problema sa kalibutan.

Dinhi sa atong nasud, dako og purohan nga mapakgang ang ilegal nga druga, lamang, wa siya suportahi sa mga tawo nga nagpalibot sa iyang administrasyon karon, sa akoa lang ning tan-aw.

Bisan sa problema sa kurapsiyon, wa ba kamo’y namatikdan? Kadaghan nga natanggal og mga sakop sa gabinite karon kadto mang giingong nalambigit sa pagpangawkaw, pero unsay nahitabo? Ang gipuli utro sab nga tulisan, puwera sa uban nga nagtinarong.

Nindot ang tumong sa atong Presidente karon, ug unta suportahan nato kini, pero unsaon nga ang mga tawo nga iyang gisaligan pulos man adunay mga agenda, gusto magpadato sa ilang kaugalingon, sa laktud, walay sinsero nga tawo karon sa iyang administrasyon.

Hinuon di gyud kita motuo nga mo-resign si PRRD, tungod kay tataw nga di niya kalinyada ang bise karon.

Sa laing isyu, sa probinsiya sa Davao del Norte, giingong dunay dakong kataw-anan karong mga panahona tungod sa daghang mga gibuhi nga isyu, sa politiko nga napalagpot sa iyang taas nga posisyon, kabalo nata kung kinsa na. Davnor, ikaw na ang maghukom.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph