MALIPAYON si Davao City Mayor Sara Duterte nga iyang nakita ang Dabawenyo nga malipayon sa pag-selebrar sa ika-33rd Kadayawan Festival nga nahuman, kagahapon.
“I can say that the event was a success since I can see that people are happy with our celebration,” sulti ni Mayor Inday pinaagi sa City Information Office (CIO).
Giingon sa Mayor nga ang pinaka-importante nga butang sa pagselebrar sa Kadayawan matag tuig mao ang kalipay, nga kinahanglan nalipay ang tanang Dabawenyo.
Nagpasalamat sab ang Mayor sa katawhan sa Dakbayan nga miduyog gayod sa mga programa ug misaksi sa mga aktibidad didto sa San Pedro Square.
“I’d like to thank everyone who worked hard for the success of our celebration. Also, thank you to those people who came out of their houses and joined us in our festivity,” ingon sa Mayor.
Ang ika-33rd Kadayawan Festival maoy gikonsidera nga pinaka-bongga ug pinaka-grandehiyuso nga selebrasyon sa tanang Kadayawan.
Liboan ka Dabawenyo ang nakigduyog sa selebrasyon isip simbolo sa pagpasalamat sa abunda nga ani ug kalamboan sa siyudad. (Jeepy P. Compio/PR)