DEAR Tita Heart,
Tawga lang ko og Mai-mai, taga Zone-2, Lower Bulua, Cagayan de Oro. Ang akong problema bahin sa akong uyab. Tambagi ko unsaon nako ni nga magdugay mi. Kasagaran sa akong mga nauyab man gud dili mi gadugay. Karon bag-o, naglaom ko magdugay mi ug dili mi magbulag. Please reply tita. Daghan salamat.
Mai-mai
*****
Hello Mai-mai,
Siguro taphaw lang kaayo imong mga pagbati sa imong past boyfriend kumpara sa karon nimo nga uyab nga naghandom ka nga magdugay ug dili na magbulag.
Ang relasyon sama ra usab kana sa usa ka butang nga kinahanglan ampingan aron dili maguba ug masayang. I-ampo usab pirme inyong relasyon nga walay makaguba sama anang mga third party o unsa pang babag. Dayon ang dako ninyo nga gugma sa usag-usa maoy importante aron magmalampuson ang inyong relasyon.
Tita Heart