APEKTADO ang pipila ka negosyo pagdili sa mga menor de edad nga mag-inom o baligyaan sa ilimnong makahubog dinhi sa siyudad sa Cagayan de Oro.
Matud ni Jay Pascual, head sa Committee on Tourism sa Konseho sa siyudad, nga andam nila kining isakripisyo alang sa kaugmaon sa mga batan-on.
“Actually, it would closely affect lugar no, some of our business establishments actually kana it’s a sacrifice that we have to make, so naa man ta’y lugar nga pwedi ra sad ta mag-inom pero ang katong mga minors gyud bawal gyud to sila mag-inom,” pahayag ni Pascual.
Gidugang pa nga kasagaran sa mga menor de edad nga nag-inom nagtungha usab, mao nga kinahanglan gayud sila nga tutokan ug angayang magiyahan.
“Kanang mga minors nga gainom ga-eskwela pud na sila and then if mawala ang ilang education mawala pud ang ilang future,” dugang niini.
Nasayran nga sa ordinansa sa siyudad ginadili ang pagbaligya sa mga menor de edad og ilimnong makahubog ilabi na ang pagbaligya ngadto na kanila.