Patay mihilak

DAKO ang katingala sa usa ka asawa dihang namatikdan nga dunay luha nga midagayday gikan sa mata sa iyang namatay nga bana.

Si Wilma, asawa sa namatay nga si Benjamin Gabuya, niingon nga natingala siya dihang basa ang habol gikan sa mata niini.

Nagtuo si Wilma nga nawili pa ang iyang bana ug dili pa niini buot nga mamatay tungod kay daghan pa sila og plano.

“Ako lage siyang gi-ablihan kay mo-kiss ko sa iyaha, dayon tingala ko nagbasa naman, iyang luha,” pahayag ni Wilma.

Nanghinaot kini nga unta makonsensiya ang suspek ug motahan sa kapolisan.

Dako ang pagmahay niini nga nganong gipatay pa ang iyang bana kung adunay kasuko unta gikulata na lamang kini.

Padayon pa ang panawagan sa pamilya sa hustisya sa namatay human nga wala pa mitahan o nasikop ang suspek.

Si Benjamin nakaangkon og upat ka mga samad dinunggaban ginamit ang tari sa manok niadtong Agosto 18 sa Barangay 22, siyudad sa Cagayan de Oro.

Nahitabo ang insidente dihang ni-aparta kini sa nahitabong kagubot sa gipahigayon nga tari-tari sa maong dapit.

Dali usab nga nisibat ang suspek nga naila lamang nga Alyas Boboy.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph