MITALA sila Angelo Dandoy og game-high 27, Joel Vergara og 22, gawas sa ilang kusog nga depensa aron ilampaso sa Jesus J. Soriano National High School (JJSNHS) ang Cabantian National High School (CNHS), 95-58, sa pagsugod sa 2018 Escandor Cup Under 15 Inter-Public High School Basketball Tournament didto sa Davao City Recreation Center, kanhi Almendras Gym, kagahapong adlawa, Agosto 20.
Ang kadaugan gikan sa inpirasyon ni Samahang Basketbol ng Pilipinas (SBP) executive program officer Ronel Leuterio nga miawhag sa mga magduduwa nga mosalig sa ilang kaugalingon.
"Start with the belief that you can do it regardless of the odds stack against them. Nobody says it will be easy but nothing worth is doing is easy anyway," ni Leuterio, sa iyang inspirational message sa mga partisipante.
Dugang niya, "You should be grateful for the opportunity that the Escandor cup is giving including free uniforms and a nice venue to play plus good officiating crew. It is another step towards attaining your dreams -- perhaps maybe to play in the NCAA or the UAAP but more importantly to be part of the MPBL team in the future."
Sa pagsulat niining balita, nagdula pa ang Bernardo Carpio National High School ug Davao City National High School samtang ang Daniel R. Aguinaldo National High School kontra Crossing Bayabas Toril National High School.
Sa laing bahin, nag-atbang ang Fr. Bustamante National High School ug Catalunan Pequeño National High School samtang naka-buwelo sa Nograles National High School ang Pablo Lorenzo National High School. (ABM)