LISOD makalusot sa kompetisya sa panarbaho kon minus og edukasyon ug kasinatian.
Mao kini ang nasugatan ni Jonalyn Lombrino, 35, nagpuyo sa lungsod sa Minganilla, Sugbo.
Sa sentro sa dakong dakbayan makita ang daghang trabaho nga naa sa minimum nga suholan matag adlaw apan daghan sang imong kompetensiya sa trabaho.
Minyo siya kang Bobby Lombrino, 41, diin sila dunay tuo ka mga anak nga sila si Erika Jhane Lombrino, 13, Grade 8 ug kaluhang Mary Claire ug Claire Anne Lombrino, 11, Grade 6.
Niadto, si Jonalyn nagtrabaho isip saleslady sa usa ka bakery ug nagsuweldo lang og P5,000 matag buwan ug si Bobby usa ka security guard nga dunay kita nga P10,000 matag buwan.
Sumala niya, lisod ang ilang kinabuhi human dili igo ang ilang sa pamilya.
Niadtong Enero 2017, ang Sustainable Livelihood Program (SLP) sa Department of Social Wlefare and Development (DSWD) nipasiugda og Skills Training on Pharmacy Services NCII sa kuwalipkadong SLP participante ug si Jonalyn usa kanila.
Sa pagbansay, wala na siya magduhaduha sa iyang kapasidad ug nagpakita sa iyang kadasig uban sa sakripisyo ug determinasyon alang sa pamilya.
Pipila ka adlaw human sa graduwayson, siya niapil sa community-based training sa haircut ug hair coloring NCII ug ihimo og community outreach, diin nakapahanas sa iyang kahibalo.
Usa ka adlaw, si Jonalyn nasuprisa sa tawag gikan sa dakong pamasiya sa Sugbo ug gidawat ang iyang aplikasyon.
“Dako kaayo og tabang ang training sa DSWD SLP nga Pharmacy Services NCII kay nakahatag kini og oportunidad sa mga labing nanginahanglan og trabaho sama kanako. Karon nga naka-trabaho na ko, dili na kaayo mi lisod kay kung unsay need sa mga bata mahatag ra dayon namo,” matod ni Jonalyn.
Karon nagtrabaho na siya sa sanga sa Toledo City Branch isip Pharmacy Assistant ug dili mominos sa P10 mil ang iyang buwan uban sa SSS, PhilHealth, Pag-ibig ug ubang benepisyo.
Ang kinabuhi sa iyang pamily mas miumento na kon itande kaniadto. PR