UNOM ka mga mural painting nga gigama sa mga estudyante nga gilangkuban sa nagkalainlaing eskwelahan gihukman sa taga National Nutrition Council-7 (NNC) inubanan sa Media Information Network for Nutrition and Development-7 (MINND) sa Region 7 ug gipahigayon sa Catmon Integrated School.
Si NNC ug Nutrition Program Coordination (NPC) Dr. Parolita Mission nagkanayon nga gipili nila ang ang Catmon tungod kay strategic ang iyang location ug maagian ra sa mga sakyanan nga padung sa Norte.
Dugang ni Mission nga ang tumong sa mural painting mao ang pagkahibawo sa mga estudyante sa pag-research sa maong tema ug sa ingon ana nga paagi ma-appreciate usab sa katawhan nganung kinahanglan ang home food garden.
“Ang gusto nato nga mamahimong food secure ang katilingban pinaagi sa paghimo og garden sa ilang palibot, kini man gong food garden nga ilang giingong 3 in 1,gitan-aw usab nato ang food intervention kay naa man gyud kay kakuhaan og pagkaon kun simbako ang atong mananagat dili kapangisda,” matod ni Mission.
Ang kompetisyon adunay salapi nga madawat nga P5,000 alang sa first place nga nakuha sa Saint William Cooperative School, P3,000 sa second place nga nadawat sa Catmon National High School ug P2,000 sa third place nga nadawat sa Catmon Integrated Schoo team 2.
Ang wa mapili wa magmahay tungod kay aduna silay nadawat consolation price nga P1,000.
Matod sa mga tinun-an nga nakadaog sa mural painting ang pakigbisog nga ilang naagian mao ang pagsagol sa color gikan sa itom tungod kay adunay higayon nga mas molabaw ang itom ug naa say higayun nga mas molabaw ang puti.
Si Alex Montecillo Jr., Grade 12 class adviser ug coach sa estudyante, nagkanayon kun giunsa nila paghimo ang konsepto sa paghimo aron nindot kini lantawon ang mural.
“Ang concept sa among mural kay base sa among theme so among gi-conceptualized nga ang color niya nga gigamit ang iyang shading gikan sa light to dark ang paint namo ani kay provide sa NNC din naa lang mi isa ka paint nga need mao to nga ni-request mi pero dili man sila mo provide sa amoa kayong red siya kato nga red di to siya mahimo kun i-mix og yellow nga ma-orange so mao to nga ni request mi sa NNC nga may gani gi-apprroved,” matod niya. Erwin Loregas, USJR Intern