MIBAHAD si Cebu City Mayor Tomas Osmeña nga pasakahan niyag kaso ang kapulisan lakip na ang mga taas nga opisyal sa Central Visayas kun mapakyas kini sa pagpakita sa lisensiya sa pusil nga iya ni Michael Banua.
“I demand that they produce the permit to carry of Banua, I will put it in writing if they will not respond I will file a case against him (Banua)including the General,” matod ni Osmeña.
Dugang pa ni Osmeña nga kun di kini tagdon mopasaka siya og kaso ngadto sa mga law enforcers.
Kahinumduman nga si Banua ang nagmaneho sa motor nga gisakyan ni PO3 Eugene Calumba nga napusilan sa driver ni Jessielou Cadungog ang konsehal sa Barangay Tejero, siyudad sa Sugbo.
Sa laing bahin nagkanayun si Osmeña nga wa siyay plano nga makiglantugi sa security ni Cadungog ug sa iyang body-guard-driver nga si Willam Macaslang Jr.
Si Macaslang nakagawas na gikan sa pagkapriso human makapiyansa sa iyang kaugalingon.
Matod ni Osmeña nga wa siya nibayad sa piyansa ni Macaslang.
Sa kahimtang karon ni Macaslang nagkanayon si Osmeña nga di siya makahatag og security tungod kay di matod pa siya pulis. Erwin Loregas, USJ-R Intern