OKAY ra bisan wa kadaug ang Cebuanang si Sheena Belarmino sa Your Face Sounds Familiar Kids grand showdown niadtong Dominggo.
Niingon si Ate Marielle Montellano nga proud kuno gihapon siya ni baby Sheena kay siya ray nakadaug og kalima (actually first time) sa ilang weekly competition!
Super proud sad si Ate Marielle sa mga cute nga TNT Boys nga maoy nikampiyon.
Basin wa pa mo kahibawo mga suki, silang Sheena, TNT Boys, Marielle, Tawag ng Tanghalan (TNT) grand champion season 1 Noven Belleza ug TNT Season 2 grand champion Janine Berdin, ug halos tanang TNT grand champions, sama nilang Sam Mangubat, Ato Arman, Eumee, Froilan ug uban pa, ang mag-concert karong Sept. 21, Martes, 7 p.m. sa Hoops Dome sa Lapu-Lapu City alang sa TNT Grand Showdown sa Cebu.
Excited na mo no? Basa lagi mong AC Martin aron updated. Hehe...
Kathniel
Good news usab sa mga KathNiel fans kay naa ang paboritong loveteam ng bayan karong Aug. 27, Lunes.
Yes yes yo, naa ang mga bida sa pelikulang “The Hows of Us” nga silang Kathryn Bernardo ug Daniel Padilla alang sa meet and greet nila sa Cebu.
I’m sure daghang fans ang excited aning balitaa kay di ba moanhi man unta sila pag-Sept. 12, 2016 aron i-promote ang pelikulang “Barcelona: A Love Untold,” apan nakanselar tungod sa nahitabong pagpamomba sa Davao?
I hope karong higayona madayon na gyud ang ilang pagbisita sa Cebu. Just keep your fingers crossed.
Gilangaw
Nitan-aw ko sa pelikulang “Pinay Beauty” niadtong Huwebes. Naunsa ba nga ako ra mang usa sud sa sinehan. Lingaw baya untang salidaha.
Di man gud mga dagkong artista ang bida. Unya mahal pa ang pulta. Dapat gibarato unta nila kay di man dagko og budget ang mga entry sa “Pista ng Pelikulang Pilipino”.
Nakig-compete man hinuon sila sa presyo sa mga blockbuster movies sa Hollywood.
Bisan unsa pa kanindot sa salida kon ang artista way ‘hatak’ sa masa, lisud gyud ibaligya.
Kinsa Sila?
Karon ra ko kahibawo nga pinaangkan diay ning igsuon sa sikat nga Cebuanang actress!?
Kana kunong bata nga naa pirme sa Instagram sa aktres dili kuno na anak sa iyang igsuon nga minyo kundi sa pinaangkan niyang igsuon.
Nahisgutan ni tungod kay kontrobersyal karon ang amahan sa lalaki, bale lolo sa bata nga pirmeng unod karon sa mga “anong balita sa radyo at TV. Hallelu- halleluja!!!”