NANGAYO'G pag-ampo si Rio Olympics silver medalist Hidilyn Diaz sa iyang pakigtigi sa 18th Asian Games competition sa Indonesia uban ang delegasyon sa Pilipinas.
"Prayers po. Need po namin ng prayers and support from them (Filipinos)," pahayag niya sa Sun.Star Davao pinaagi Facebook.
Ang 27 anyos, nagdako sa Barangay Mampang sa Zamboanga City, miingon: "This is not an easy fight, hingi ko po sana prayers talaga."
Dugang niya nga gusto niya makapokus karon, "Ayoko kasing magsagot ng question now. Need kong mag-focus. Sorry."
Nanganti sab siya nga magpa-interbyu siya human sa iyang duwa sa women's 53 kilograms event.
Nanukad na si Diaz sa quadriennial Games human gitanggal ang women's weightlifting sa 29th Southeast Asian Games sa Kuala Lumpur, Malaysia.
Uwahi siya mipartisipar sa 2010 Asian Games sa Guangzhou, China diin nabutang siya ikaunom puwesto sa women's 58 kilograms.
Ika-napulo sab siya sa 2006 edition sa Asiad nga gihimo sa Doha, Qatar.
Ang Philippines' weightlifting team gilangkuban nila Kristel Macrohon, fellow Olympian Nestor Colonia, Ma. Dessa delos Santos, Jeffrey Garcia, Elreen Ann Ando ug Elien Rose Perez.
Si Colonia moduwa sa men's 65 kgs samtang Jeffrey Garcia makigtigi sa men's 69 kgs event.
+++