GARBO natong mga Bisaya ang pagsulbong karon sa mga taga-Cebu nga mag-aawit sa kaulohan. Usa niini ang 20-anyos nga si Marielle Montellano nga nidalikyat niadtong Dominggo gikan sa iyang busy schedule sa Manila aron patalinghugan ang imbitasyon sa lungsod sa Medellin. Ang 20-anyos nga grand finalist sa Tawag ng Tanghalan Season 1 mao say guest performer sa Wish FM 107.5 Bus sa Eastwood City niadtong Martes, diin gikanta niya ang iyang bag-ong hit single nga “Talaga Ba” ug ang “Someone Like You” ni Adele. Nia ang atong exclusive interview sa nagkasikat ug gipasigarbong anak sa lungsod sa Tabogon. Marielle Montellano, Ssssuper Ka!
How’s life after Tawag ng Tanghalan (TNT)?
Super thankful sa daghang blessings. Wala man ko ka feel nga sikat na ko. Hehe... Naa lang gamay nausab kay duna nay mga nakaila nako bisan sa Manila.
Duna kay regular gigs/shows?
Wala pero suwerte ming mga TNT singers kay wa mi pasagdi sa management sa TNTV (Tawag ng Tanghalan Versions). Naa gihapon mi guestings sa TV, out of town shows, prologues sa Tawag ng Tanghalan...
Kapila ka mobisita og Cebu sa usa ka buwan?
Pinagsa ra gyud ko makaanhi og Cebu kay nag-eskuwela man sad ko karon sa Far Eastern University-Manila. Third year irregular sa Bachelor of Science in Psychology. Transferee ko from University of San Carlos. After sa grand finals sa TNT Season 1 (held March 11, 2017), sunod-sunod naman among shows mao nga nag-Manila base na lang gyud ko.
How do you manage your time?
Mind setting, determination, patience, perseverance, labaw sa tanan gisalig nako ang tanan sa Ginoo. Full load ko last 2 semesters pero karon nag-underload lang usa para di ko maglisod og manage sa schedule, labi na nga nag-promote ko karon sa akong new single nga “Talaga Ba” ug nangandam sad para sa umaabot nga TNT All Star Showdown concert sa Cebu.
What if duna kay show maka-absent ka?
Naa gyuy times maka-absent ko sa akong classes. Thankful lang ko nga gi-consider sa TNTV ang akong class schedule. Maningkamot ra ko nga makabawi, kay need man sad ko mag-maintain og grades.
Kinsay kauban nimo sa Manila?
Ako rang usa, nagpuyo ko sa “Residences,” duol sa akong school. Medyo layo sa ABS-CBN pero okay ra man kay everytime naa mi shows sa ABS-CBN naa man mi service.
Naa na diay kay lovelife kay wa naman si mommy mobantay?
Proud NBSB gihapon uy. Hahaha... No boyfriend since birth! Kung wa koy klase or shows on weekends, busy sad sa church activities (Born Again Christian).
Kinsay close nimo among TNT champions?
Actually, mura ra mi og usa ka pamilya sa TNTV. Pero sa Season 1 ko mas close kay pirme man mi mag-estorya nilang Kuya Sam, Kuya Noven, Kuya Froilan, Ate Eumee ug ni Pauline.
Kinsay crush nimo among TNT champions?
Wala man ko’y crush kay Kapamilya ra gyud ang among treatment sa usa’g-usa.
By the way, nagparamdam na ang imong estranged father (biological) after ka nidaug?
Wala man pero ang akong aunties and uncles nag-support sila sa akoa, labi na adtong naa pa ko sa competition. Invited sad mi sa akong sister everytime manguli sila dinhi sa atoa, ug naay mga special nga okasyon sa pamilya.
Ang good news is No. 1 daw ang “Talaga Ba” sa PopChartsPh?
Thank you sa Marriellesters kay grabe gyud ang ilang suporta. “Talaga Ba” is composed by hitmaker, Sir Jonathan Manalo under Star Music. It is now available in digital platforms sa Amazon, Spotify, Itunes. Lyric video is now also available sa Youtube.
And you're having a concert in Cebu with other TNT champions. Kanus-a ni?
“TNT All Star Showdown” on September 21, 7 p.m. at the Hoops Dome, Lapu Lapu City featuring TNT Grand Champions Seasons 1 and 2 Noven Belleza and Janine Berdin, with Your Face Sounds Familiar Kids grand champion TNT Boys, Sheenna Belarmino, Eumee, Pauline, Sam, Froilan, Ato, myself and a lot more.
Unsay ma-expect sa Mariellester fans from you in the next 2 to 3 years?
Makahuman na ko og eskwela, God willing, if padayon mahatagan og chance sama sa gi-enjoy namo karon sa TNTV management. Dream nako nga mo-improve pa sa akong craft ug makapadayon ko pag-inspire sa mga tawo nga nag-support ug nitoo sa akong kakayahan as Cebuana singer.