Leysa midomina sa Narcilla FIDE Chess Championship

DAVAO. Ang mga partisipante nga nagtigi sa Narcilla Chess Championship didto sa Jardin del Roca Mountain Resort, Bayabas, Toril ning siyudad nga nahuman niadtong Martes. (Hulagway gikan Ely Acas)
DAVAO. Ang mga partisipante nga nagtigi sa Narcilla Chess Championship didto sa Jardin del Roca Mountain Resort, Bayabas, Toril ning siyudad nga nahuman niadtong Martes. (Hulagway gikan Ely Acas)

SI FERDINAND Leysa mibulsa og titulo sa Margie Narcilla FIDE Rated Standard Round Robin Chess Championships nga nahuman niadtong Martes didto sa Jardin del Roca Mountain Resort, Bayabas, Toril, Davao City.

Mitala og kinatibuk-ang syete puntos si Leysa human sa 9 Round Robin chess format aron mabulsa ang premyong P5,000 batok Jimzon Trangia nga syete puntos pinaagi sa tie break nga nakadawat og P3,000.

Ikatulo si Alfred Moulic (6.5pts) ug ikaupat si Kurt Placencia (6pts) kinsa dunay P2,000 ug P1,000 sa maong han-ay.

Ang mikompleto sa napulo nga puwesto mao sila Jong Guevarra Jr. (5.5pts), Knarf Lawrence Batislaong (4.5pts). Michael Elloso ,Irish Yngayo, Florence Faith Guevarra ug Baltazar Rafale sa torneyo nga gi-opisyalan nila Tournament Director NA Cecilio Acas, Chief Arbiter FNA Margie Narcilla, Deputy Chief Arbiter FNA Joseph Palero ug Arbiter FNA Alexander Clavite.

Samtang gisuportahan sab kini sa Jardin Del Roca, Justice for Seafarers, Inc, Trumph Motorcycle Corp, Gina Villaruz ug BM Fred De Veyra. (Marizz R. Perez)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph