ABUYOG, LEYTE - Miumol na og Special Investigation Task Group (SITG) ang kapulisan sa Eastern Visayas sa nahitabong pag-ambush sa mga sakop sa Leyte Regional Prison (LRP).
Usa sa gitutokan sa SITG mao ang posibilidad nga dunay binilanggo nga nasuko sa grupo ni Supt. Geraldo Aro kinsa samdan sa ambush.
Matod ni PRO8 Director Dionardo Carlos nga dunay mga mayor sa selda nga gisilotan hinungdan nga posibleng nanimawos kini. Duna usab mga saksi sa hitabo apan padayun pa kining gikumbinser sa kapulisan.
Ang SITG gilangkoban sa CIDG 8, RIU 8, LPPO ug SOCO. JKDP