Mike, Labella, Pres. Duterte nag-uban sa pagpanihapon

Nagtagbo. Sila si kanhi Cebu City mayor Michael Rama ug Presidente Rodrigo Duterte nagpahulagway sa Mactan Benito Ebuen Air Base sa dakbayan sa Lapu-Lapu niadtong Martes sa gabii. Si Rama gidapit nila ni Presidential Spokesman Harry Roque ug Special Assistant to the President Bong Go sa usa ka panihapon sa air base uban sa Presidente human sa kalihukan sa Radisson Blu Hotel niadtong Martes sa gabii. (Gikan sa Facebook page ni Mike Rama)
Nagtagbo. Sila si kanhi Cebu City mayor Michael Rama ug Presidente Rodrigo Duterte nagpahulagway sa Mactan Benito Ebuen Air Base sa dakbayan sa Lapu-Lapu niadtong Martes sa gabii. Si Rama gidapit nila ni Presidential Spokesman Harry Roque ug Special Assistant to the President Bong Go sa usa ka panihapon sa air base uban sa Presidente human sa kalihukan sa Radisson Blu Hotel niadtong Martes sa gabii. (Gikan sa Facebook page ni Mike Rama)

SA makausa pa, nagtagbo na usab sila si kanhi mayor Michael Rama ug Presidente Rodrigo Duterte uban ni Bise Mayor Edgardo Labella atol sa usa ka private dinner sa Mactan Benito Ebuen Air Base sa wa pa sila mobalik paingon sa Davao City.

Si Rama ug Labella adunay tagsa-tagsa ka picture uban ni Duterte diin pulos malipayon ang ilang mga hulagway lakip na ang pangulo nga giakusahan ni Jose Maria Sison nga na-comatose, apan lagsik ug maya ang pamayhon sa iyang pag-abot sa Radisson Blu nianang sayo nga gabii.

Nalakbitan sa speech ni Duterte ang maong akosasyon ug niingon pa nga iyang sagpaon si Sison sa higayon nga magkita sila sa impyerno.

Si Special Assistant to the President Christopher Lawrence “Bong” Go, human nikatap ang balita, nag live sa iyang Facebook page nga “Bong Go” aron ipakita nga maayo ang panglawas ni Duterte atol sa ilang panihapon niadtong Lunes sa gabii.

Ang kanhi mayor nagpasalamat kang Presidential Spokesperson Harry Roque kinsa maoy nag-imbitar kaniya nga motambong sa conference sa League of Municipalities in the Philippines Visayas cluster diin si Rama naminaw sa kapin duha ka oras nga pagpamulong ni Duterte.

Si Go ang nag-imbitar kaniya sa private dinner.

Si Rama kinsa ginanganlan kaniadto ni Duterte nga “drug protector” nisuporta sa kampanya sa Presidente batok sa ginadiling drugas.

Wa siya nabalaka nga nganlan ni Duterte pag-usab bisan kon subli nga ginganlan sa Presidente si Daanbantaan Mayor Vicente Loot ug gisaway sanglit usa siya ka gradwado sa Philippine Military Academy (PMA).

Ang mayor wa nisuway og hangyo ni Duterte nga wagtangon siya sa listahan apan iyang gipanghinaot nga sa umaabot nga mga adlaw mahitabo kini sanglit limpyo iyang pagkatawo.

Siya niingon nga dugay na siyang adunay komunikasyon sa buhatan ni Duterte.

Si Labella, sa iyang bahin, niingon nga atol sa ilang paghinabi ni Duterte, gipahimangnoan siya nga hugtan pa ang kampanya batok sa ginadiling drugas, korapsyon, pagkab-ot aron mapatunhay ang kahusay ug kalinaw, butang nga gihangop sa bise mayor.

Subli nga gibatbat ni Rama nga usa ra kanila ni Labella ang magpapili og mayor kinsa maoy moatbang ni Mayor Tomas Osmeña sa sunod tuig nga piniliay.

Ang private dinner gilangkuban lang sa pipila ka suod nga mga higala ug sinaligan nga mga opisyal ni Duterte.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph