Talk to Papa Joe: Laagan iyang mama

Dear Papa Joe,

Tawga lang ko og Clarissa, taga Cebu City. Ang akong patambagan nimo kabahin sa akong inahan nga 68 anyos na pero pwerti ka laagana gyud.

Lima ka tuig nang patay ang akong papa ug siya nalang gani ang nabilin para namong managsuon, magpabadlong pa gyud intawn. Mahadlok mi og dunay dautang mahitabo niya samtang maglaroy-laroy bisag asa lang.

Sa weekdays, adto siyag mga mall nga dunay bingoghan, mamusta og bingo. Unya makita na lang namo sa iyang cellphone ang mga pictures nga didto siyag Simala ug sa mga bukid sa Balamban, usahay adtog dagat.

Duna man siyay mga barkada nga senior Citizens pod ug duna pod silay suki nga taxi. Unya ang nakapabalaka pa gyud nako kay hurot permi iyang pension. Retired teacher man ang akong inahan ug duna siyay monthly pension. Dili gani siya mohatag sa iyang mga apo og kwarta kay iyang ihurot og bangka sa iyang mga kauban sa iyang laag-laag, Papa Joe.

Unsa kahay among buhaton aron mopundo og balay si Mama kay kuyaw man gud og maunsa siya samtang mag laroy-laroy bisag asa lang. Kon amo ra bang badlungon modayon og loud-luod. Please tambagi ko.

CLARISSA

Dear Clarissa,

Kanang pangedaron sa imong mama nagkinahanglan sab baya nag lingaw-lingaw. Siguro iyang pamaagi to enjoy the remaining days of her life maong dapat sabton nimo imong mama.

Ayaw ninyog kasab-i kon inyong badlungon kay luoran na kaayo na sila. Ang maayo siguro nimong buhaton nga hinayon nimog estorya, imong paraygan ug ingnon nga kon molakaw siya mananghid gyud.

Pangita na lang mog tawo nga kasaligan nga makakuyog niya. Anyway naa man siya pension, kuhai para bayad sa iyang kauban. Speaking sa iyang pension, I’m sure duna na pod moy mga trabaho nga inyo, siya na lay pabut-a og unsaon niya pag enjoy sa iyang kwarta tungod kay gikan man ni sa iyang hinaguan. Daghang salamat.

PAPA JOE

(Sa in yong mga problema, ipadala sa papajoesuperb@gmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph