MIBISITA sa Camp Vicente Alagar ning siyudad sa Cagayan de Oro ang hepe sa Philippine National Police (PNP) niadtong Agusto 24,2018 atol sa ika-117 Police Service Anniversary sa PNP Northern Mindanao.
Gipahalipayan ni PNP Chief Oscar Abayalde ang Police Regional Office (PRO) sa Amihanang bahin sa Mindanao sa mga kalamposan nga nabuhat ilabina sa kampanya batok illegal nga drugas.
“I congratulate the entire police Regional office 10 for your achievements,” pahayag ni Abayalde.
Gi-aghat usab niini ang kapolisan nga mas magkugi pa aron nga mas mapalambo pa ang hanay sa kapolisan aron nga maprotektahan ug maserbisyohan ang katawhan.
Lakip niini ang pag-awhag sa kapolisan nga pangandaman ang nagkaduol nga midterm election sunod tuig ug pahugtan ang kampanya sa Oplan Bakal-sita ug uban pa.
Samtang mapasigarbuhon nga gipresentar ni Police Chief Superintendent Timoteo Pacleb, Northern Mindanao police director, ang mga kalamposan nga ilang nabuhat ilabina ang sa ilegal nga druga diin mokabat sa P155 milyones ang ilang nakumpiska ug nasikop ang mokabat 3,000 ka mga personahe atol sa anti-illegal drug operations.
Lakip usab sa gipasigarbo ni Pacleb ang upgraded police facilities and equipment diin aduna na'y 61 ka high capacity vehicles (Toyota Innova, toyota hilux patrol cars ug man trucks) ug 23 ka mga Kawasaki rouser motorcycles.
Samtang sa maritime asset adunay duha ka fiber glass boat ug usa ka rubber boat gikan lamang sa bulan sa June 23,2017 hangtod Agusto 15, 2018.
Usa sa mga highlight mao ang presentasiyon sa mga awards sa siyam ka mga police units ug 10 ka mga personahe tungod sa ilang mga kalamposan.
Nag-una si Police Senior Superintendent Jayden de Guzman isip Best Senior Police Commisioned Officer CY 2017. Nakadawat usab og pasidungog sila si Police Senior Inspector Euridecy Revillas; Best Junior Police Commisioned Officer for Administration, Police Senior Inspector Aiman Khuzaimah Pantaran, Best Junior Police Commisioned Officer for Administration, SPO3 Terry Bigornia, Best Senior Police Non-Commisioned Officer for Administration, SPO2 Marlon Randy Salvacion; Best Senior Police Non-Commisioned Officer for operation, PO3 Alfe Timbal; Best Junior Non-Commisioned Officer for Administration, PO2 James Garcia; Best Junior Police Non-Commisioned officer for operation, NUP Karen May Gadian; Best Non-Uniformed Personnel (Non Supervisory Level) ug Police Senior Inspector Jovie Espinido; Best PCO for Anti-illegal drugs operation.
Gipasidunggan usab ang police unit sa tuig 2017 nga mao ang Bukidnon POO, Cagayan de Oro City CPO (Best City Police Office ), Gingoog CPS, Claveria MPS, Bukidnon PMFC, COCPO CMFC, PS7 Cocpo, Cocpo Strategy Management Unit, Regional Crime Laboratory Office 10, Regional Crime Investigation Detection Unit 10 ug Misamis Occidental PPO.
Ang maong kasaulogan nagdala sa tema nga “Pagbabago sa Hanay ng Pulisya ay Ligtas na Pamayanan Laban sa Korupsyon, Krimen at Ilegal na Droga.”