KUNG mosuroy kita sa laing nasud, ang usa sa mga kasinatian nga di gyod malimtan ang magbaktas sa ilang kadalanan, nga mao gayod kini among gihimo sa among paglaruy-laroy sa nasud Singapore, ning bag-o lang.
Wanang kaayo ilang kadalanan sa ilang tag 8-lanes, ug wa gyod kay makita nga mga bukot-bukot nga public utility vehicles, gani ang ilang taxi ngadto sosyal kaayo, ug kung mogamit kag application sa booking, mga limousine vehicles ang imong magamit, ug ang ka-sosyal sa ilang mga Hop On Hop Off double decker bus tours.
Walay mga conductor ang ilang mga bus, i-swipe lang nimo ang imong pinalit nga debit rides card, maabot kana sa imong destinasyon, ug mangangha ka sa kanindot ug sa kaadunahan sa dapit labi na og sa upper-deck ka mopahaluna og lingkod.
Kung naa ka sa maong nasud, ayaw sipyata ang pagbisita sa Merlion Bay ug ang uban pa nga mga inilang parke sa maong nasud.
Sa sunod Dominggo, isuroy ko pa kamo sa among mga nindot nga suroyanan nga among naadtoan sa Singaporeuban sa akong mga higala gikan sa RDL Pharmaceutical Laboratory Incorporated.