GILUSAD sa Police Regional Office (PRO) Davao Region niadtong Biyernes ang “Pulis Natin” usa ka caravan diin asa tanang serbisyo sa kapulisan ngadto sa katawhan, gidalit.
Sumala ni PRO-Northern Mindanao Spokesperson Chief Inspector Milgrace Cajes Driz nga usa kini ka pamaagi aron mas mabati pa sa katawhan ang serbisyo gikan sa pagproteksyon kanila.
Dugang ni Driz nga dali na lamang sa pipila nga makaproseso sa ilang mga papeles sa armas, ug ang pagpangayo og giya sa pipila ka problema diha sa ilang komunidad.
“The caravan aims to bring the PNP frontline services to the people of Davao City and nearby provinces to cater complaints, queries, issues and concerns of the community,” ingon ni Driz.
Kini nga proyekto ang unang nakita nga gitukod sa bag-ong lider sa pamunoan sa PRO-Northern Mindanao nga si Police Chief Superintendent Marcelo Morales, kinsa hulip sa maabtikon nga director Chief Superintendent Manuel Gaerlan nga miretiro na sa serbisyo sa pamulis ning bag-o lang.
“I would like to encourage the citizens to avail themselves of the services of the PNP to resolve issues and concerns of the communities, to participate and to strengthen our ties in public safety services. The convenience of this is one stop shop of all police safety services offered to showcase our capabilities and genuine services to the public,” sulti ni Morales.
Mas maayo kini kay napakita gyod sa kapulisan ang ilang tinud-anay nga serbisyo sa katawhan; di lang sila taman sa istorya ug diha sa ilang slogan, apan ila gayod nga gihimo ang pagdalit sa kinasingkasing nga serbisyo.
Naa sab unta kini sa ubang rehiyon sa nasud, aron mabati gyod sa katawhan ang presensya sa kapulisan diha sa komunidad, kay ang uban baya, giingong nanagko nalang ang tiyan kay diha ra mahapnan magliningkod sud sa ilang buhatan.