USA ka 19-anyos nga babaye gilugos sa 17-anyos nga lalakeng ka textmate sa lungsod sa Sibonga, Sugbo.

Ang duha nagkita human magkasabot pinaagi sa text nga magkita niadtong Huwebes sa plaza sa brgy. Poblacion.

Si Anna (di tinuod nga ngan), taga barangay Lindogon, nisumbong nga gilugos siya sa menor niyang textmate nga taga brgy. Poblacion ra.

Click here for stories and updates on the Sinulog 2010 Festival.

Sigun sa asoy sa biktima nga nagkaila sila sa gikatahapan pinaagi sa text.

Nagsabot silang magkita sa ilang plaza sa barangay Poblacion.

Sa dihang sila nagkita, ang gikatahapan nagpakuyog sa biktima sa pagpauli sa ilang balay tungod kay aduna siyay importating adtuon.

Samtang sila naglakaw sa mingaw nga dapit, kalit lang siyang gipugos sa pagpahigda sa suspek ug gihuboan sa iyang sapot.

Hinungdan nga wa siyay nahimo ug nilampos gaod ang gikatahapan paglugos kaniya.

Human sa insedenti, si Anna daling nitaho sa kapulisan sa Sibonga samtang sa gihimong follow-up operation sa kapulisan nasikop ang gikatahapan.

Samtang ang biktima gitambagan sa mga pulis pag-adto sa tambalanan aron masuta kon nakuha ba gyod ang iyang pagkababaye.

Ang kapulisan nagsigeg pahimangno sa kababayen-an sa di pagkompyansa sa mga textmate kay duna nay pipila ka mga hitabo nga sila nabiktima sa ilang textmate.

Usa sa mga krimen nga luog kaayo mao ang pagpatay sa usa ka 20-anyos kapin nga babaye nga gilabay sa kasagbutan sa Mandaue city human lugosa.

Ang duha nagkaila sa textmate portion sa usa ka FM station sa dakbayan sa Sugbo.

Hinuon nasikop ang suspek human masubay sa kapulisan.

Pipila ka mga radio station ningsuspenso makadiyot sa mao nga matang sa programa tungod sa hitabo.

Kanunay na silang nagpahimangno. (DRT)