SAMA sa nanglabay nga katuigan, mas hugyaw ang 33rd Kadayawan Festival sa Davao City, diin ubay-ubay ka artista gikan sa GMA Network ang nakiglingaw-lingaw sa mga Dabawenyo.
Ang cast sa top-rating serye nga Onanay mihatag og lingaw sa mga taga-Toril pinaagi sa Kapuso Mall Show, Agosto 18 sa Gaisano Mall Toril.
Kini gilangkuban nila Jo Berry, Mikee Quintos, Kate Valdez, Rochelle Pangilinan, Vaness del Moral ug Enrico Cuenca.
Una pa man niini, mihatag na og lingaw ang grupo sa mga molupyo sa Brgy. Matina Aplaya pinaagi sa Kapuso Barangayan.
Niadtong Agosto 19, daghan ang napa-wow sa mga birit sa Asia's Nightingale ug The Clash judge nga si Lani Misalucha sa Kapuso Mall Show sa SM City Davao.
Uban ni Lani ang mga clashers from Mindanao nga sila Charline Fiel, Lyra Micolob, and Chemp Raña.
Sa pikas bahin, nahimamat sab sa local press ang cast sa Victor Magtanggol sa wala pa sugdi ang ilang mall show.
Matud sa bida nga si Alden Richards nga malipayon kaayo kini sa init nga pagdawat sa mga Dabawenyo kanila.
“Kahit na medyo makulimlim ang panahon andun pa rin sila naka-abang, nakakataba ng puso,” ni Alden nga misakay sa Kapuso float uban sila Magno, Ignacio ug Martin.
Human sa presscon, misabak na sab sila Alden, Pancho, Dion, Martin ug Andrea Torres sa Kapuso Mall Show sa SM City Davao.