TABANOG ray makapaghagsa sa atong mga ayroplano.

Unsa may resulta sa himuong imbestigasyon may labot sa pagkahagsa sa Nomad Plane niaging semana nga nikutlo og walo ka mga kinabuhi, usa ka kamatuoran ang magpabilin: samtang korap ang mga nagduma sa gobyerno, magpabiling iwit ang mga ayroplano, ekipo o kahimanan sa atong armadong kusog.

Ato nang gilauman nga lain na sab nga mga pamalibad ang himuon sa mga opisyales sa gobyerno aron lang dili mapunting ang diskusyon sa tinuod nga hinungdan sa atong kaiwit: kawat nga way sama. Nag-antos tas karaan kay wa tay ikapalit, wa tay ikapalit kay pobre man ta, pobre ta kay daghan kaayo ang mga buaya bisan sa AFP.

Click here for stories and updates on the Sinulog 2010 Festival.

Dili ka madasig magtan-aw buslot ang mga sapatos sa atong mga sundalo samtang ang pipila sa ilang mga heneral nagpuyo sa kinabuhi sa usa ka hari, kon ang I-lang mga kadagkuan nagpuyo sa mga mansion samtang ang ordinaryo nga army naa matog sa gubaon nga payag.

Sukad gikorap ni Marcos ang Armed Force of the Philippines (AFP), wa na kini hingpit nga makabangon gikan sa negatibo nga pagtan-aw sa publiko.

Gitiwasan pa gyud ni Arroyo dihang pipila ka mga kadagkuan sa AFP nalambigit sa “Hello Garci” hi-nungdan nga hilabihan nga naka-panglingo-lingo ang mga sama ni Gen. Danilo Lim. Daw gikuwangan pa tingali si Arroyo sa iyang gihimong paghugaw-hugaw sa AFP, iya pa gyud gipangga pag-ayo ang mga nalambigit sa tikas sa 2004.

Samtang anaa pa ang military sa luyo ni Arroyo, dili siya mahimong mapalagpot sa gahom, maoy naa sa hunahuna sa pub-liko. Apan kini nga pagtuo dili ikaayo sa imahe sa AFP. Kay wa ni kalainan sa pag-ingon nga samtang makorap ug mapasawan pa ang AFP, pwede nga matog maghagok ang idolo ug amo ni Gibo Teodoro nga si Arroyo.

Gikinahanglan ang dakong pagpaningkamot aron mabangon sa AFP ang nagusbat niini nga imahe.

Kining kinauwahiang trahedya subling moguroy nato ngadto sa pagpangumusta sa AFP Modernization Program.

Unsa kahay nahimo sa maayong laki (Galing at Talino) nga si Gilberto “Gibo” Teodoro dihang siya pa ang sekretaryo sa Department of National Defense? Diin man nga imburnal ang programa pagmodernisa sa AFP nahug? Wa ba si Gibo makabatyag – kay maayo man kaha siya nga pilot – daghan nga mga sakyanan sa kahanginan sa PAF panahon pang mampor? Wa masayop ang mga dumadapig ni Gibo? birada_ruphil@yahoo.com