Magmaneho nga hubog silotan

DUNAY pagsaka sa mga aksidente sa kadalanan nga naglambigit sa mga hubog nga drayber dili lamang sa Misamis Oriental kundili sa tibuok nasud.

Tungod niini mahimong masilotan na unya kining mga nalambigit nga mga drayber.

Mipasar na ngadto sa third reading sa House of representative ang gipalabang nga House Bill 7083 nga mao ang 'act penalizing persons driving under the influence of alcohol' nga gipangunahan nila ni Reps. Monico Puentevella, Del de Guzman, Felix Alfelor, Jr., Thelma Almario, Orlando Fua, Arnulfo Go, Neptali Gonzales ug Eduardo Zialcita.

Daghan sa mga driver ang uyon niini bisan paman pipila ka mga traffic investigator.

Gani sa gihimong pakighinabi sa Sun.Star Superbalita ngadto kang Senior Police Officer 2 Kenneth Achas, kinsa traffic investigator sa Tagoloan Police Station sa Misamis Oriental niingon nga dako iyang panghinaot nga hingpit na nga mahimong balaod ang HB 7083 aron mahatagan og leksiyon o silot ang pipila ka mga driver nga magmaneho nga nakainom.

Gibutyag niini nga talagsaon lamang ang insidente sa kadalanan nga purely accidental ug negligence sa driver apan 80 porsiyento ang aksidente sa dalan nga nalambigit ang hubog nga driver.

Dugang ni Achas nga angay lang gyod nga mapasakaan og kaso ang driver tungod kay kasagaran sa mahitabong aksidente igo lamang i-safekeeping sa prisuhan ug ipagawas lamang kung kini mahuwasan na.

Apan kung ang maong balaod tukmang maaprobahan adunay nay posibleng kasong ipasaka ngadto sa mga driver.

Namatikdan ang pagsaka sa aksidente sa dalan diin nalambigit ang driver nga nakainom, gani kini ang kanunay nga nag-unang kaso nga natala sa Northern Mindanao Medical Center ning siyudad sa Cagayan de Oro bisan paman sa buhatan sa Roads and Traffic Administration.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph