NAKAKITA na siguro mo sa mga balita sa telebisyon kon gi-unsa sa usa ka inahan pagpanalipod ang iyang anak nga nalambigit sa bisan unsa nga krimen.
Bisan kon klaro na kaayong nakasala, ang inahan kutob sa mahimo mangugat pagpamalibad sa akusasyon kay lage ang iyang anak buotan ug di makahimo sa salaud nga gipasangil ngadto sa ilang anak. Maso na ang talagsaon nga gugma sa usa ka inahan ngadto sa anak, nga haom kaayonghinumdoman ning bulan sa mga kasingkasing nga mao ang Pebrero.
ROSITA
Nagian nako sa daln AS Fortuna sa dakbayan sa Mandaue ang usa ka inahan nga puerting naka-am-am sa iyang ank nga naghugda sa sidewalk.
Akong nasayran nga si Rosita Dejeto nga taga Sitio Maharlika, Tipolo lima na ka adlaw nga nangita sa iyang anak nga si Wendell, 12.
Matod niya, naandan na gyud ni Wendell nga mokalit lang og layas. Sa sigi niyang am-am wa gyud mokihol si Wendell.
Apan wa sab siya pul-i og konbinser aron nga mopauli ang bata.
Naluoy ko nga nagtan-aw ni Rosita nga wa gyud panumbalinga sa iyang ank. Mao nga nisuway ko og tabang kaniya hangtod nga nibarog ang bata og nisugot nga amo siyang ihatod sa ilaha.
Puwerting lipaya ni Rosita og sa iyang bana nga si Ricardo apil na ang laing walo nila ka anak sa among pag-abot sa ilaha.
Isip usa ka inahan di malitok sa pulong ang kalipay nga gibati ni Rosita sa maong kaugmaran.Isip usa ka inahan way kamtyon ang gugma ni Rosita ngadto kang Wendell, nga inay iyang kasab-an iyaha na hinuon nga gipalitan og bag-ong parisan sa tsinelas.
PASIUNA
Agi’g pasiuna nning buwan sa gugma, sa niaging Sabdo dul-an sa 500 ka pasyente ang naalagaran sa medical, dental og blood letting mission nga gihimo didto sa Sitio Anonang, Luburon, Carcar City. Hiniusang proyekto kini sa Nadela Clan, Bantay Bat 163-Cebu, Sagip Kapamilya, RBCC ug sa mga opisyal sa maong barngay nga gipangulohan ni Kapitan Alberto Lawas.
Salamat sab sa I learners Inc. nga nanghatag og libreng champorado sa subra sa 500 ka mga bata og inahan.
Si Cathy Gabrodino kanhi host sa MBK sa ABS CBN maoy nahimong emcee usa ka programa nga nagtangag sab og mga premyo.
Hilabihang lipaya sa mga bata kuyog sa ilang mga inahan. Duna say 21 ka tawo ang nagpakuha og dugo sa tag RBCC. Salmt RBCC, Provincial Health Office, Phil. Air Force, I Learners Inc., Sagip Kapamilya, Bantay Bata 163, Liburon Barangay Council, Oversea Aqua Farm, Bobbit Alcantara, Agaw Boy Cañedo og ang iyang mga therapists, si Mrs. Danna Nadela ang among caterer, Joel Noel ang among cameraman, ug sa mga sakop sa Nadela Clan nga nakatampo og dako sa kalamposan sa maong proyekto.
Kudos!