Editoryal: Kampanya hapit na magsugod

UNANG adlaw karon sa Pebrero - ang Buwan sa Kasingkasing. Ang Pebrero gikuha sa Latin nga pulong nga februum, nagpasabot kini nga purification o pagkaputli sa tinguha.

Haom kini nga buwan sa pagpamalandong sa pagsusi sa kaputli sa tinguha sa mga pulitiko sa pormal nga pagsugod na ning buwana sa kampanya sa eleksyon karong Mayo 10 alang sa nasudnong posisyon.

Ug mosunod ang campaign period alang sa mga lokal nga katungdanan.

Gipaabot nga mas moinit ug mas mosubsob pa karon ang pagpangaliyupo sa mga pulitiko sa haring-lungsod ug magpakita sa ilang labing maayong batasan aron pagpangayo og suporta nga boto.

Kon putli ang tinguha sa matag putiko, dili kini tiaw - ang pagserbisyo sa publiko usa ka bug-at ug dakong tahas.

Apan nasayod kita daghan karon ang buot magpapili sa nagkalainlaing posisyon sa kagamhanan ug ang publiko maglisod sa pag-ila kon si kinsa kanila ang dunay putli nga tinguha sa pagbisyo sa katawhan.

Busa sa pagsugod ning buwana sa kampanya, maayong susihon nato pag-ayo ang pagkatawo sa usa ka pulitiko, kasinatian sa pagserbisyo ug plata-porma sa panggobiyerno.

Pinaagi sa pagpamati kanila, makabalanse kita sa atong hunahuna kon si kinsa gyud ang maayong hatagan sa atong balaang boto sa pag-abot sa adlaw sa pagpili.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph