JANUARY 25 dihang gisaulog sa singer nga si Nyoy Volante ang iyang birthday.

Kauban daw niya nga nag-celebrate ang iyang pamilya ug ang iyang non-showbiz girlfriend.

Pahayag ni Nyoy, mas okay nga non-showbiz ang iyang karelasyon karon.

Kahinumduman nga ang ex ni Nyoy, mao ang giilang Soul Siren nga si Nina nga mipasang-at kaniya'g kasong estafa last 2008.

Si Nina nagbutyag nga utangan kaniya si Nyoy og P1.4 million. Sumala ni Nina, gigamit ni Nyoy ang ilang relasyon aron makuha ang maong salapi gikan kaniya.

Nagbuwag sila niadtong 2007.

Ning bag-ohay lamang, na-tsika nga nagtagbo si Nina ug Nyoy sa ASAP diin nakita gayud daw ang tensiyon tali sa duha.

Nitaas daw ang kilay ni Nina tungod kay hangtud karon, wala pa gayud nabayran ang utang ni Nyoy kaniya.

Sa usa ka interview sa Philippine Entertainment Portal, si Nyoy nagbutyag nga wala na lang niya panumbalinga ang gipakita ni Nina.

"Wala akong utang," pagklaro ni Nyoy human gipangutana kung wala ba siya'y plano nga tubagon ang mga akusasyon ni Nina kaniya. "Ang nangyayari kasi ngayon, it's her word against mine. The thing kasi is, that's all it would ever be. May sasabihin siya, papaniwalaan ng mga tao sa paligid niya. May sasabihin ako, papaniwalaan ng mga tao sa paligid ko. So, wala naman talagang mananalo."

Pahayag ni Nyoy, ang isyu tali kanila ni Nina, nahulog na nga usa ka legal battle mao nga mas maayong di na lamang sila mamahayag ni Nina bahin niini.