HUMAN mihimo og pipila ka serye nga coaches forum sa nagkadaiyang rehiyon sa Mindanao, ang Mindanao Peace Games (MPG) magpahigayon og pinakadako ug unang Mindanao Coaches Convention sa Septyembre 20 hangtud 22 sa Ateneo de Davao University, Jacinto Community Hall.

Kini ang gipahibawo ni Ateneo de Davao University grade school athletics director and MPG member Airnel Abarra atol sa Davao Sportswriters Association (DSA) Forum sa The Annex of SM City Davao niadtong Huwebes, Agosto 30.

Matud ni Abarra nga ang tulo ka adlaw nga kalihukan motapok og 65 coaches ug sports leaders kinsa miyembro ug di miyembro sa MPG lakip ang partisipante gawas sa Mindanao.

Dugang niya nga tumong niini mao pakusgan ang isports lider sa Mindanao ug mapakusgan pa ang kultura sa isports hinungdan nangimbita sila og “inspirational speakers” ug facilitators lakip niini sila MPG convener Noli Ayo, University of Southeastern Philippines (Usep) sports director Dr. Jose Alther Rivera, University Athletic Association of the Philipines (Uaap) executive director lawyer Rene Saguisag Jr., Barcelona Olypmpics taekwondo bronze medalist Stephen Fernandez, Soccksargen Peace Network director Fr. Angelo Buenavides ug Philippine Sports Commission consultant lawyer Victor Africa.

“We want train more sports leaders and elevate the standards for the coaches,” pahayag niya diin duna sab banquet dinner atol sa kulminasyon.

Ang rehistrasyon nagkantidad og P6,000 lakip ang pagkaon, meryenda, kits ug hotel accommodation sulod tulo ka adlaw.