MOKABAT sa 82 ka mga pamilya sa Barangay Gaas, lungsod sa Balamban, Sugbo ang nagmalampuson sa pagpatuman sa Alternative Development Livelihood Program ubos sa Dangerous Drugs Board (DDB).

Gipatuman ang pagpananom og abaca sa dapit nga nabaniog kanhi nga gipangtamnan og marijuana.

Click here for stories and updates on the Sinulog 2010 Festival.

Mao kini ang gibutyag ni kanhi DDB Secretary Vicente “Tito” Sotto III nga nakigtagbo sa mga kadagkoan sa nagkalainlaing ahensya sa gobyerno kagahapon sa Ching Palace sa Lahug, dakbayan sa Sugbo.

“Matapos nating nabigyan ng P2.3 million ang Balamban and since fruitful ang resulta so we have to expand to cover other Municipalities like Danao City, Toledo City, Dalaguete and San Fernando, and this program not only for the farmers, also for the Municipality at ang laki nang demand nga para export ng Abaca” saysay ni Sotto.

Nitambong sa luncheon meeting uban ni Sotto sila si DDB Usec. Paul Oaminal, Dalaguete Mayor Andrade Alcantara, Retired Supt. Zosimo Magno, City Administrator sa Toledo City, Councilor Boying Rodriguez ug Supt. Elmer Lim sa Danao City, Candilario Aytuna sa Ched-7, Benjamin Gomo sa Fiber Industry Development Authority (FIDA-7), Supt. Marvin Sachez sa RAIDSOTG-7, Joey Herrera sa (COSAP) ug uban pa.

Matod ni Sotto nga dili magproblema ang LGU’s nga makapasar sa ilang feasibility study ug ma-identify nga rampant ang mga tanom og marijuana gumikan kay may pundo sila’ng makuha sa mga ahensya sama sa DDB, Department of Agriculture (DA), FIDA, Department of Health (DOH), Department of Education (DepEd), Commission on Higher Education (CHED, PNP ug ubang ahensya nga ilang katambayayong.

Matod pa dili lang kutob sa pagpananom og abaca ang gitinguha sa DDB nga matabang sa mga mag-uuma kondili apil na ang pagpamuhi ug kahayopan, depende sa lugar apan dinhi sa Sugbo pabor si Sotto sa Abaca. Hinuon dugay ang pagpaabot sa pag harvest sa Abaca apan mao ni ilang nakita nga pinangita karon sa gawas sa nasod.

Nasayran gikan kang Director Recaredo Borgonia, nga sa miaging tuig nga random drug testing nga gihimo sa DepEd-7, sa 37,000 nga High School sa Sugbo adunay 4 nga positibo sa pag gamit sa dahon sa marijuana, tulo niini gikan sa pribado ug usa gikan sa publikong tunghaan, ug ning higayona ang nahisgutang mga estudyante anaa na sa kolehiyo karong panahona.(DQG)