DUHA ka Filipino-American (Fil-Am) ng gibanhigan-patay sa Transcentral Highway sa habig sa lungsod sa Balamban kagahapon.

Apan una niini nga insedente, usa usa ka British National ang gibanhigan usab sa maong dapit uban sa iyang pamilya apan ang sakyanan ra maoy naigo.

Click here for stories and updates on the Sinulog 2010 Festival.

Ang nangamatay giila nga sila si Marlou Borja, 20, ug Harold Flores, 17, taga barangay Poblacion, siyudad sa Toledo.

Si PO2 Cesar Climaco nga nahinabi sa Sun.Star Superbalita niingon nga nadawat nila ang alarma pasado alas 4:00 kagahapon sa hapon diin ang insedente nahitabo sa barangay Cansumoroy.

Sumala sa taho, ang mga biktima sakay sa usa ka motorsiklo sa dihang gipamusil sa wala mailhing mga tawo hinungdan sa pagkamatay.

Sa pagkakaron, ang kapulisan padayon pa sa ilang gihimong inbestigasyon kon unsay motibo sa pagpatay ug si kinsa ang responsabli.

Samtang pasado alas 3:00 usab sa hapon usa ka usa ka British national nga si Frank Richard Bell, 60, , kasamtangang nagpuyo sa Nivel Hills, Lahug, dakbayan sa Sugbo ang gipusil usab sa may barangay Gaas sa Transcentral Highway.

Ang biktima nagmananiho sa iyang sakyanan uban sa iyang Filipina nga asawa 4 anyos nga anak ug katabang gikan sa Balamban paingon na sa dakbayan sa Sugbo sa dihang kalit lang usa ka motorsiklo ang ni-overtake.

Matod pa, gipusil sila sa makadaghang higayon sa duha ka mga tawo nga nagsakayg motorsiklo, apan maayo nalang nga ang sakyanan ra maoy naigo ug walay bisan usa kanila ang naigo sa bala.