SALUDO ko sa akting nilang Kathryn Bernardo ug Daniel Padilla sa pelikulang “The hows of us”.
Naghulat gyud ko nga makakita una sa movie sa dili pa ko magtsika kon unsa gyud ang ilang gipakita dinhi.
Nindot ang istorya sa ilang lovestory ug siguradong daghan ang maka-relate sa ilang kasinatian.
Makatawa ka sa pelikula pero at the same time grabe pod ang hinilakay nga eksena ug dili na lang nimo damhon ikaw nga nagtan-aw nagbakho na usab.
Dakong kausaban gyud ang gipakita dinhi sa “Kathniel”, labi na kang Kathryn Bernardo grabe, nagmature gyud ang dalaga.
Ang ilang kissing scenes grabeh ang kilig ug daw tinud-anay gyud ang eksena.
Hinoon, giangkon nila nga lima na ka tuig ang ilang relasyon, ma-feel pod nimo kini sa ilang matag eksena.
Kauban nila dinhi silang Susan Africa, Jean Garcia ug Darren Espanto sa direksyon ni Cathy Garcia Molina. Ang “The hows of us” showing na sa inyong mga paboritong sinehan, ay’g saba!
Wala na diay sa pelikulang “Darna” si Enrique Gil. Una natong nahibaw-an usa kini sa original cast sa movie ni Liza Soberano.
Wala sab mahibalo si Enrique nganong tsugi na kini sa obra ni Erik Matti. Ang iya lang nahibaw-an nga may laing proyekto kini nga gipangandaman ug angay paabuton sa tanan.
Daghan usab ang miingon nga basin tungod kay may pelikula usab siya nga “Captain Barbel.” Apan matud sa aktor nga wala siyay nasayran mahitungod niini, ay’g saba!
Ang bida sa Kapuso seryeng “Contessa” nga si Glaiza de Castro, motiwas na sa iyang pag-eskwela.
Human ni-hit ug gidayeg ang iyang pelikulang “Liway” sa Cinemalaya, nakahunahuna ang aktres nga mobalik og eskwela mao nga mawa una siya.
May mga hungihong nga mao tingaling mawagtang kini kay mabdos o ba kaha mobalhin og estasyon.
Apan gihimakak ni Glaiza, dalang komedya nga pwede ba uyab sa ang unahon sa dili pa magmabdos.
Dili sab kuno mahitabo nga mobalhin siya og network kay daghan pa kini ug proyekto nga buhaton ug may kontrata pa siya sa Kapuso network, ay’g saba!