HUMAN sa among binaktasay, gilayon namong gipang-adtoan ang mga sikat nga laaganan sa Singapore; ug siyempre, andama ang imong di basta basta nga badget, aron maadto gayod silang tanan.
Merlion Park
Ang Merlion Park, makita ang istatuwa sa alf-fish ug half-lion, nga nagabuga og tubig padung sa waterfront sa Merlion Park. Usa kini ka Singapore landmark ug major tourist attraction, nga anaa nahimutang sa One Fullerton, Singapore, duol sa Central Business District.
River cruise
Mosakay sa ka lansa, usa ka 20-minute cruise tour diha sa Singapore River. Mas maayong gabii ni himuon gumikan makapanlimbawot sa balahibo ang kanindot sa mga suga sa mga dagko nga gambalay sa palibot.
Sentosa
Ang Sentosa usa ka island resort sa Singapore’s southern coast, nga nagkonektar sa dakbayan pinaagi sa kalsada, cable car, pedestrian boardwalk ug monorail. Sa Sentosa Station, puwede ka mosakay sa Tiger Sky Tower nga dunay panoramic views nga imong makita ang island sa nasud Indonesia.
Gardens by the bay
Usa kini ka nature park nga dunay gilapdon nga 101 hectares sa gi-reclaimed nga yuta sa Central Region sa Singapore nga duol lamang sa Marina Reservoir. Ang Gardens by the Bay dunay mga nagkadaiyang tanum nga bulak nga sa Singapore lamang makaplagan. Nindot nga kung gabii, gumikan daw mosiga ang mga bulak pinaagi sa lighting effects nga gipangmuntar sa dapit.
Marina Bay Sands
Makatingala ka sa gahum sa Diyos nga gigamit ang tawo aron matindog ang ingon niini nga istruktura. Tulo ka tag-as nga building nga daw gibutangan og lantay sa ibabaw nga di ka makatuo nga namugna kini. Pinaagi na sab sa ilang hightech nga teknolohiya, nahimo kini. Makasaka lamang ngari kung naa kay gikuha nga kuwarto sa maong hotel.
Singapore Flyer
Usa ka 360+, ang gidak-on sa pagdala kanimo nga imong makita ang ginatibuk-ang Singapore. Usa ka interactive in-capsule experience nga mo-enhance sa imong flight diha sa 165m above ground level nga dunay balor sa gitas-on nga 42-storey building.
Universal Studios Singapore
Di kompleto ang laag sa Singapore kung di maadto ang Universal Studios Singapore. Nahimutang kini sa Resorts World Sentosa sa Sentosa Island. Duna kini features nga 28 rides, shows, and attractions in seven themed zones. Maayong dalhon ang atong mga kabataan ngari gumikan daghan ang magpasundayag nga sikat nga mga cartoon characters sa kalibutan.
Hangtud sa sunod nga panagkita, Singapore.