GIANGKON ni Konsehal Margot Osmeña, nga naapektahan ang iyang bana nga si Cebu City Mayor Tomas Osmeña, sa pagpangataki ni Presidente Rodrigo Duterte.
Sakto man sab si Duterte sa pagbira ni Tomas sa di maayong batasan, maginukdanon ug pagpanghawod.
Mao kini usa ka butang nga angayang usbon sa mayor. Kay bisan paman gani ang iyang mga tigpaluyo wa man kauyon niini.
Ambot ug kon kanus-a bag-uhon sa mayor karon nga ang presidente na ang mikastigo sa iyang kangil-ad.
Apan wa magpasabot nga ang kabati sa batasan ni Osmeña, dili kini maayong amahan sa siyudad kay naa man sab siya’y liderato.
Sa paagi man gud sa mayor morag naka panag-iya sa siyudad nga sama sa kaugalingon niining panimalay.
Gumikan niini dako kaayog katawa ang kontra sa pulitika ni Tomas samtang nagbangutan ang iyang mga tigpaluyo.
Ang pangutana, gihimo ni Duterte ngadto ni Osmeña, sa negatibong batasan sa amahan sa siyudad mao bay makapa usab?
Bati man gud nang tawo nga mapahitas-on. Bisag ibutang lang unta ni Tomas sa iyang kasingkasing kasugoan sa Diyos.
Ang nakaapan sa apan. Kay ang mipakauwaw ni Tomas mas labaw paman sa kabati, matod pa sa mga tigsaway sa presidente.
Di man sab maayong ehemplo si Duterte, tungod sa kabastos niini manulti atubangan sa katawhan sa kalihukan mga iyang tambungan.
Mora man sab og maoy nakatag-iya sa Pilipinas. Gipasanginlan man gani nga maoy nagpasiugda sa pagpamatay sa mga tawong nalambigit sa kalihukan sa illegal nga drugas.
Sa ato pa nagka-ingkuwentro ang duha ka mga tawo nga dunay mga “apan” nga sila si Duterte ug Osmeña.
Apan mibahag ang ikog sa berdugo sa siyudad .Og igo lang gani nga miingon nga katungod sa presidente ang giluwatan niining pamahayag batok kaniya.
Sa akong pagkuwenta kining duha way mapili. Pulos maginukdanon sa kontra sa pulitika bahalag masakripisyu ang panginahanglan sa katawhana.
Wa gaba-i!
efrenlonzon77@gmail.com / 09235562777