ANG all-time favorite sa kadaghanan nga Lechon Sisig maoy big winner sa Mindanao ug final leg sa Knorr Funlasang Pinoy Year 2, last August 22, sa Waterfront Insular Hotel.
Gipresenta sa Unilever Food Solutions (UFS) Philippines ug Knorr, gibitbit nila ang tulo ka chefs gikan sa nagkadaiyang rehiyon sa Mindanao aron magtigi sa paggama sa lamiang Pinoy dish with a twist.
Pambato sa Cagayan de Oro City si Chef Benje Gaviola sa Kave Restaurant sa Limketkai Luke Hotel uban ang iyang dish nga Lechon Sisig Kilawin in Puff Pastry Shell.
Anaa sab si Chef Manny Ablanque sa Lime and Zest Kitchen sa Watergate Hotel, Butuan City nga mipabida sa iyang Pork Belly Adobo with Roasted Chilis and Roasted Onion Adobo.
Samtang si Chef Maria Victoria Mirasol sa Solaris Pizza 'N Pasta, sa Davao City mipabilib sab sa iyang Kare kare in Boneless Lechon Roll.
“The event, Funlasang Pinoy is all about celebrating Filipino Cuisine. It's our way of encouraging local chefs to innovate their Filipino foods,” sigun ni Joanne Limoanco-Gendrano, executive chef sa Unilever Food Solutions (UFS) – Philippines.
Dugang ni Limoanco-Gendrano nga ubay-ubay sab ang gipilian nilang putahe gikan sa nagkadaiyang chefs sa Mindanao, diin ang putahe sa tulo maoy nakahatag interes kanila, maoy mi-abante sa final round.
Ang tulo ka chefs gihatagan og usa ka oras to complete sa ilang specialty, diin human niini gitilawan sa tulo ka hurado, lakip na sakop sa media ug bloggers.
Ang lamiang Lechon Sisig ni Chef Benje ang midaug sa top prize, diin mibitbit siya og P100,000 nga premyo.
Luyo niini may higayon na sab siyang makat-on pa og maayo tungod mahilakip siya sa Unilever Food Solutions Chefmanship Academy.
Ang niluto sab ni Chef Manny nga Pork Belly Adobo with Roasted Chills & Roasted Onion Adobo ang napili nga Media and Bloggers' Choice.