TANJAY CITY, NEGROS ORIENTAL – Tulo ka mga drug pusher ang gidakop sa dakbayan sa Tanjay, Negros Oriental niadtong Lunes.
Ang mga nasikop nga suspek giila nga silang Oliver Ramirez Navarro, 43, minyo, molupyo sa Barangay 6; Richard Zerna Abodi, ulitawo, 42, residente sa Barangay 6; ug Jimmy Ygona Castro, ulitawo, 39,molupyo sa Barangay 4, tanan sa dakbayan sa Tanjay.
Sa taho gikan ni P/Supt. Kat Ramos sa Negros Oriental Provincial Police Office (NORPPO) nagkanayon nga ang tulo ka mga suspek mga bag-ong nailhang “drug personalities” nga anaa sa watchlist Tanjay Police. PNA