LIBO-AN ka mga indibidwal ang gitakdang magmartsa aron nga pahinumdoman ang katawhan ug mga residente sa eepekto sa ilegal nga druga sulod sa area sa Police Station 5 (PS5) sa Macabalan.
Gibtuyag ni Senior Police Officer 3 Terencio Virtudazo, Police Community Relation (PCR) sa PS5, nga tumong niini nga ipakita pakita usab kung unsa ka hugot ang gihimo sa kapulisan ug sa ubang mga grupo aron mahunong na ang mga ilegal nga kalihokan.
“Mag-martsa mi within circumferential road sa Macabalan, mga 2000 siguro with placards saying about illegal drugs para gyud nga ma remind ang mga nagamit pa gihapon sa illegal nga druga,” pahayag ni Virtudazo.
Lakip sa magmartsa ang Barangay Anti-Drug Abuse Council (Badac), Pantawid Program ug Kapulisan diin lakip sa gipatuman ang Mamamayang Ayaw Sa Anomalya, Mamamayang Ayaw Sa Iligal na Droga (Masa Masid).
Tungod niini, gihangyo ang katawhan sa pagsabot labina kadtong maapektahan sa ipahigayong pagmartsa gikan sa Barangay Hall libot sa circumferential road sa Macabalan balik sa Barangay hall.
Ang kapulisan sa Macabalan ang labing una nga nagmugna niining martsa kontra sa illegal nga druga.