SECTIONS
Saturday, July 20, 2019

Albor: NFA ginegosyo

NAKONTROBERSYAL ang NFA rice sa kanihit. Kadtong iresponsabling pamahayag ni NFA Administrator Jason Aquino nga kakulang sa suplay nagtanom og kahadlok o panik sa publiko maong giinbestigar sa senado.

Nasukwahi sa mandato sa NFA nga dili gyod mahutdan sulod sa 15 ka adlaw samtang magpaabot sa laing importasyon. Secretary to the Cabinet Jun Evasco nga maoy chairman sa NFA Council mibasol ni Aquino kay maoy pagpiit kaniya aron siya motugot sa pag-import og daghang bugas sa laing kanasoran nag-apas sa komisyon.

Gikwestyon si Aquino nga wala motuman sa pagprodusar og bugas sa mga probinsya nga daghan og ani aron makapahimolos sa barato nga 27 pesos matag kilo nga misaka ngadto sa 42-45 pesos matag kilo. Ubos sa Qualitative Restriction ang nagdumala sa NFA ubos sa NFA Council nga maoy motugot sa pag-import og bugas nga 7B pesos matag tuig.

Apan panggunit sa lingkoranan kay nasusi nga utangan ang NFA og 180B pesos. Nakita sa COA nga ang 5.1B pesos para ipalit og tipasi gibayad sa utang ngadto sa Bureau of Treasury, Land Bank ug DBP hinungdan nga nabasiyo ang bodega sa NFA.

Ang pagtipas sa gahin usa ka technical malversation maong gikasohan si Aquino ug services manager Gerry Ambrosio sa Samahang Industriya ng Agrikultura. May lakang nga iubos sa Tariffication nga ang negosyante tugotan sa pag-import og bugas mobayad lang og buhis sa gobyerno kay kugihan nga makapili og barato. Lakang karon ang pag-abolis sa NFA gumikan sa kapalpakan.

Ang NFA Council nga gilangkoban sa NEDA, DOF, Central Bank, Landbank ug NFA management naporma pinaagi sa PD 1770 nga gilagdaan sa 1981 pagsiguro sa suplay sa bugas ug sa makatarunganong presyo. Tagdumala sa NFA maoy moproponer sa importasyon samtang NFA Council maoy moaprobar.

Tungod sa kontrobersiya gitaktak ni Pres. Rodrigo Duterte sa NFA Council si Evasco nga kanhi pari ug rebelde. Ang pag-abolis sa NFA Council nagkinahanglan og pag-usab sa balaod hinoon ang presidente dunay gahom sa pag-ilis og mga sakop.

Gibalhin ang superbisyon sa NFA ngadto sa DA ni Sec. Emmanuel Piñol. Nadugang ubos sa DA ang NFA kauban ang Phil. Coconut Authority, Fertilizer and Pesticide Authority ug National Irrigation Administration. Balhin na sab ang labad sa ulo ngadto ni Piñol.

Si Aquino nga giingong dapig sa mga grains retailer maoy nakapabor sa hukom ni Duterte.

Sukad pa kaniadto namatikdan nga kakonsabo ang taga NFA sa mga magpapatigayon. Komprahon, isagol sa commercial rice ug ibaligyag mahal sa kamerkadohan. (csa_1156@yahoo.com/09064648954)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph