KUNG hago na gani ang lawas, lami kaayo iligdas, isuroy, sa mga dapit nga bugnaw sa mata ug paminaw.
Dinhi sa Davao, may newest destination sa laag nga nahimutang diha sa Baguio District.
Kini ang Bamboo Sanctuary and Ecological Park sa Malagos, Baguio District, nga mas nailhan sa iconic steel dome niya, uban ang preskong pool, ug daghang kawayan.
Tsika ni April Faye Lee, resident manager sa dapit nga sa Bamboo Sanctuary mga bisita makakita sa 32 ka klase sa kayawan, apil na kadtong endemic nga klase.
Be mesmerized sa dwarf bamboo, vine bamboo, Japanese bamboo, ug rare pink bamboo.
Dugang niya nga gi-highlight nila ang mga kawayan, aron sab ma-appreciate sa kadaghanan kining matang sa tanum.
“Bamboo is taken for granted here but if you go to other countries it is called a miracle grass.”
Luyo sa nindot nga palibot, nagkadaiyang aktibidad sab ang imong ma-enjoy sa Bamboo Sanctuary.
Anaa ang target shooting with a bow and arrow ug combat archery.
Kung medyo chill lang ang peg sa tropa, duna silay board games nga pwede arkilahan.
Kung bet sab ninyo ang fishing, may fish pond sila or pwede sab kayaking.
Ang fishing balor P120 ang oras, samtang P220 sa Kayaking sud sa 30 minutos.
Of course, luyo sa paglingaw-lingaw, bonus sab ang pagkaon nga ginatanyag nila sa ilang resto.
Aside nga pwede ka mosuroy dinhi, bukas sab ang Bamboo Sanctuary sa teambuilding activities.
Gidugang ni Lee nga modugang pa sila og amenities ug aktibidad nga for sure malingaw gyud ang ilang mga bisita.
Matag weekdays ang rate nila anaa sa P250 (adults) ug P150 (kids).
Apil na dinhi ang paggamit sa spring pool ug archery.
Kung weekends, anaa sa P600 (adult) ug P400 (kids) ang ilang rate, diin luyo sa paggamit sa pool ug archery, duna kini buffet lunch.
Sa dugang pangutana, mamahimo silang makontak sa (082) 228-6116, 09755139805, ug 09176212652.
Duawa sab ang ilang Facebook page (facebook.com/davaobamboopark) sa mga updates nila.
Laag ta sa Davao Bamboo Sanctuary and Ecological Park sa Malagos, ug i-enjoy nato ang kinaiyahan =)