Barangay Macabalan duna pa’y adik

AMINADO ang kapolisan sa Police Station 5 (PS5) sa Macabalan nga aduna pa gihapo’y mga pabilin nga nalambigit sa ilegal nga druga sa ilang area hinungdan nga padayon ang pagpaningkamot pagwagtang niini.

Nasayran nga nagpahigayon ang PS5 og “Martsa Kontra Illegal na Druga” kauban ang libo-an ka mga indibidwal gikan sa ginsakpan sa Barangay Anti-Drug Abuse Council (Badac) ug uban pa niadtong Septiyembre 7, mga alas 3 ngadto na alas 5 sa hapon libot sa nahisgutang dapit.

Gibutyag ni Senior Police Officer 3 Terencio Virtudazo, Police Community Relation (PCR) sa PS5, nga dili ikalimod nga aduna pa gihapo’y pabilin nga nalambigit sa illegal nga druga sa ilang dapit hinungdan nga grabe ang pagpaningkamot aron nga mahunong na ang mga padayong nalambigit niini.

“Naa pa gyud, wala pa gyud gihapon mawala pero dili na gyud pareho sauna nga lantaran kaayo ang pagpamaligya,” pahayag ni Virtudazo.

Nasayran nga daghan ang programa nga gipahigayon sa kapolisan ilabi na usab sa pag-implementar sa Mamamayang Ayaw Sa Anomalya, Mamamayang Ayaw Sa Iligal na Droga (Masa Masid) aron lamang nga mahatagan og dakong pagtagad ang mga padayong nalambigit sa maong ilegal nga kalihokan.

Related Stories

No stories found.
SunStar Publishing Inc.
www.sunstar.com.ph