GARBO sa Cagayan de Oro si 2nd Lieutenant Luwiemae Maceda, usa ka graduate sa Bachelor of Arts in Technology Communication sa Mindanao University of Science and Technology ning siyudad sa Cagayan De Oro.
Kini human nakadawat og Secretary of National Defense Saber award tungod nahimong numero uno sa ranking.
Mokabat sa 168 ka mga bag-ong officers gikan sa Officer Candidate Course “Emancipator” Class 50 – 2018 ang miapil sa Philippine Army atol sa usa ka simpleng closing rite niadtong Agusto 30 sa Officer Candidate School (OCS), TRADOC, Camp O’ Donnell, Capas, Tarlac.
Si Major General Robert M. Arevalo, ang Army Vice Commander, maoy nangulo sa ilang commissionship isip 2nd Lieutenants sa Regular Force.
Ang grupo karon adunay pinakadaghang sakop nga pulos propesyunal sama sa teachers, criminologists, nurses, engineers, bankers, agriculturist, ug uban pa.
Si 2nd Lieutenant Luwiemae Maceda, midawat sa Secretary of National Defense Saber award tungod kay nag-rank kining number one.
Matud niini nga bout niyang usabon ang kinabuhi sa mga Pilipino bisan paman og usa siya ka babae.
“I want to make a difference in the Filipinos' lives. It doesn’t matter if I’m a female,” matud ni Maceda.
Mapasalamaton sab kini sa OCS nga gipreparar sila nga mahimong andam sa kalibutang sa pagserbisyo sa military.
“We are very thankful that OCS had prepared us to be mentally, physically, and emotionally ready to face the challenges in the real world of armed service.”