NIRESULTA na sab og panagtabla ang ika-13 ug katapusang round nga tahas ni Pinoy GM Wesley batok kang Slovenian woman GM Anna Muzychuk sa miaging gabii sa pagtiklop sa 72nd Corus international chess championship sa Moriaan Community Centre sa Wijk Aan Zee, Netherlands.
Nagkauyon ang duha ka mga magduduwa nga tablahon ang ilang Nimzo Indian Defense nga duwa human sa 38 ka mga lihok.
Si So nihuman sa torneyo nga adunay 7.5 puntos diin nagtabla sila ni Netherlands GM Erwin L’ Ami alang sa ikaupat ug ikalima nga puwesto.
Pinaagi sa tie-break, nakuha ni L’Ami ang ikaupat ngadto luna unya natagak sa ikalima ang 16 anyos nga garbo sa Bacoor, Cavite.
“Binigay ni GM Wesley (So) ang lahat ng makakaya niya para sa karangalan sa bayan. Maganda ang performance ni Wesley. Saludo ang sambayanang Pilipinas sa kanya,” matod sa trainer ni So nga si Roberto Suelo Jr. sa usa ka artikulo sa www.insidepsorts.ph.
“Beside bata pa naman si Wesley at tiyak malayo pa ang kanyang mararating sa larangan ng ajedrez (chess).”