KUMPIRMADONG pito ang nakabsan sa kinabuhi sa engkwentro tali militar ug Maute group sa Sultan Dumalondong sa Lanao de Sur.
Gibutyag ni Col. Romeo Brawner, Deputy Commander sa Task Force Ranao nga kining Maute group nga anaa karon nakabasi sa dapit uban sa komunidad lakip sa gubat sa Marawi sa miaging tuig apan nakasibat ug nitago sa area sa Sultan Dumagundong sa Lanao del Sur.
Giingong lider niini mao ang giilang si alyas Mubarak kinsa gikumpirma ni Brawner nga lakip sa napatay atol sa engkwentro.
Atol sa engkwentro laing tulo ka kauban sa Maute ang napatay ug dunay usa ka sakop sa sundalo nga nakabsan sab sa kinabuhi.
Gikasubo lamang niini nga adunay duha sab ka sibilyan nga nalakip sa crossfire hinungdan nakabsan gihapon sa kinabuhi.
Midugay lamang ug pila ka minuto ang pinusilay apan mi-withdraw ang grupo sa Maute.
Matud ni Brawner magpadayon sila sa pag-operate sa dapit aron hingpit nga puhagon ang grupo nga anaa na karon nakig-uban sa komunidad sa dapit.