ANG Manila tim nga gilangkuban og kasamtangan ug kanhi miyembro sa Philippine Azkals national football tim ang midomina sa men's open event sa 1st Hyenas Football Festival didto sa Tionko Field dalang Quimpo Boulevard kagahapong adlawa, Septiyembre 9, 2018.
Ang Azkals giulohan nila team captain Antonio del Rosario ug celebrity actor Daniel Matsunaga nga gipanglukapa ang Davao Strikers, Yoyo Football Club, Red Lions ug Black Knights Football Club.
Sa maong kadaugan, abante sila sa semi-finals sa kompetisyon nga 7-A-Side footfest isip selebrasyon sa anibersaryo sa Hyenas Football Club.
Apan ang tim Manila midesisyon nga moatras na lang sa semis aron mas mahatagan og oportunidad ang lokal tims, The finals would have been phenomenal with them playing.
"We put together a good team here so (I think we can win the championship), I mean we are just happy to be here in Davao," pahayag ni Del Rosario una siya mi-anunsyo sa ilang pag-atras.
Apan iyang gidayeg ang mga Dabawenyo sa pagsuporta sa football, "I think it was good. It was a good turnout and there are so many teams here and all the people are supporting us. Its nice to see the people loving football and enjoying the nice weather," dugang niya.
Samtang gitambongan ni Hon. Jericho "Koko" Nograles, tigpamaba sa PBA Partylist isip pagsuporta sa paduwa diin maoy mibitbit sa Azkals tim aron mas malingaw ug molambo ang abilidad sa lokal tim kung makontra nila ang nasyunal tim, "I invited the team (Azkals) and told them to have some few friendly games with the locals, para naman ma-measure nila ang kanilang mga skills with the professionals and non-professionals, and so that they may experience the feeling playing with these kind of athletes," atol sa pakighinabi kaniya kagahapon.
Ang duha ka adlaw torneyo gitugutan sa Davao Region Football Association nga dunay seven, eight, nine, 100, 11, 12, 16 ug women's open divisions diin ang mga modaug makadawat og mga medalya ug tropeyo.