GILUPIG ni Novak Djokovic si Juan Martin Del Potro 6-3 7-6(4) 6-3 aron pagkolekta sa iyang ikatulong U.S. Open title kagahapon sa New York.
Ang titulo maoy ika-14 nga naangkon ni Djokovic ug naghatag kaniya og laing Grand Slam. Nahiluna na siya sa ikatulong dapit sa all-time list kauban si Pete Sampras.
Nidag-om unta ang poruhan ni Djokovic dihang miagi siya og operasyon sa siko human sa iyang kalampusan sa Australian Open.
Apan wala nagpatay-og ang 31 anyos nga Serb ug midaog kini og tulo sa katapusan niyang upat ka events nga gisalmutan lakip na niini ang back-to-back majors sa Wimbledon ug Flushing Meadows.
Nagduwa sa samang korte diin nasakmit ni Sampras ang iyang ika-14 nga titulo, si Djokovic nagpakita og saktong kadasig sa iyang pagdispatsar kang Del Porto.
Human sa iyang kapakyasan, ang Argentine nga si Del Porto wala nakapugong sa pag-agas sa iyang mga luha.
Mao kini ang labing unang higayon nga nakabalik sa Grand Slam final si Del Porto sukad niya nalabni ang iyang bugtong titulo sa Flushing Meadows niadtong 2009. AFP, ESL