“KUNG may chance nga maka-apil ko og laing singing contest, i-grab nako kay confident nako nga naa diay koy ikabuga,” suma sa unang Super B Idol champion nga si Erwin Barbac, pambato sa Barangay Buhangin Proper, dakbayan sa Davao.
Sabado, Septyembre 8, 2018, luyo sa linog nga mihatag og kalisang sa kadaghanan, gisundan pa kini sa makusog nga pag-ulan ug huyuhoy sa hangin, apan the show must go on, atol sa finale sa Super B Idol sa Kantahan 2018, sa Taboan, Matina Town Square, dakbayan sa Davao.
Excited ang tanan, ilabi na nga gikan sa unom ka barangay, napili ang 54 ka contestants, gisala sila hangtud miabot sa 10 ang nagtigi sa uwahing round.
Gisugdan ang programa sa Doxology uban ang Redemptorist Youth Mininstry Animators, samtang gakanta kanila sa “The Prayer” ang Idol judges nga sila Rollie Calixtro ug Fevie Andrea Pardillo.
Gisundan sab kini sa National Anthem, sa pagpanguna sa Koro Dabawenyo, uban sa choirmaster nilang si Oliver Bernadez.
Unang bwena-mano ang production number sa mga partisipante ug Koro Dabawenyo nga all smiles ug birit sa bersiyon nila sa “Kay Ganda ng Ating Musika.”
Dayon gisunod na ang performance proper sa napulo ka contestants.
Matag contestant gitahasan nga mag-andam sa duha ka kanta, Tagalog ug English, diin sila na ang mopili kung unsa ang ilang kantahon sa 1st round, ug kung palaron nga moabante sa top 5, kantahon nila ang laing kanta nga napili.
Human ang taud-taud nga presentasyon, mga bigating hurado nga gilangkuban nila Nhor Yahyah Lalong, CEO sa Kaliyah Beauty Solutions, Rollie Calixtro, Fevie Andrea Pardillo, Abram John Alontaga ug Oliver Bernadez, nakapili na sa Top 5.
Ang top 5 mao sila Erwin Barbac (Brgy. Buhangin Proper), Jilly Jean Canja (Brgy. 76-A Bucana), Ana Marie Jackson (Brgy. 22-C Piapi Boulevard), Marlon Fuentes (Brgy. Sto. Niño Tugbok District) ug Jerry Quiapo (Brgy. Inayangan Calinan District).
Sa second round, back to zero na ang labanan sa lima.
Sa ika-duhang round, pasiklaban na sab sa pagbirit sa lima nga very intense ng mipadungog sa ilang pagbirit.
Tuod man, mas mi-aprub ang lima ka hurado sa performance ni Barbac, sa kanta niyang You Are My Song.
“Wala gyud ko mag-expect kay dili gyud baya ko experience mag-apil og contest compared sa ubang contestants. I'm so happy nga nakuha nako ang titulo,” ni Barbac, 34-anyos ug kasamtangang Accounting Manager sa usa ka Banana Export Company dinhi.
Si Barbac miuli sa premyong P10,000 samtang siya sab ang giilang Super B Idol Reader's Choice Awardee. Duna say siya'g Negusyo Package gikan sa Kaliyah Beauty Solutions.
Second runner-up sab, with P6,000 isip premyo ang 4th year Criminology Student sa University of Mindanao nga si Jilly Jean Canja. Siya sab ang midaug sa Kaliyah Social Media Choice Award, nga nagtangag og Negusyo Package as premyo.
Samtang 3rd runner-up ang beterana sab sa biritan nga si Ana Marie Jackson, nga midawat og P3,000.
Mihatag sab og dugang lingaw ang paduwa courtesy sa mga sponsors.
Nahimong malampuson ang unang inter-barangay singing competition sa Super Balita, tungod sa suporta sa barangay councils sa Buhangin Proper, 74-A Matina Crossing, 22-C Piapi Boulevard, Mintal ug Pampanga.
Dakong pasalamat sab Love Radio 90.7 Davao, GH Office Depot, Matina Town Square, ug Racks Garden Bar & Grill, isip major sponsors.
Anaa sab ang Kaliyah Beauty Solutions ug Kuya Jerm's Chicken & Barbecue Hauz isip minor sponsors.
Special thanks sab sa New City Commercial Center sa paggahin og meryenda alang sa mga partisipante atol sa rehearsals ug final set-up.