SA akong pagsuwat niining lindog, pabilin pa nga nagpuyo sa iyang buhatan si Senador Antonio Trillanes.
Bisan pa man sa kaisog ni Trillanes, atong nakita ang kahadlok sa paggawas sa paglikay nga dakpon sa kapulisan human gipa gawas sa presidente ang kamandoan.
Ang labing delikado nga angayang kahadlukan sa senador nga di luwas ang kinabuhi. Matod pa sa tigpaluyo sa senador, posibling tumbahon kay numero unong kritiko ni Presidente Rodrigo Duterte.
Kining tanan mga pagduda lang sa mga tigsaway sa presidente. Kini gibasi lang sa kaso sa pagpamatay sa mga tawong nalambigit sa kalihukan sa drugas.
Apan na-intriga ko sa giluwatang pamahayag ni PNP Chief Oscar Albayalde. Nga ang mga sakop sa Criminal Investigation Detection Group( CIDG) nga anaa gawas sa senado alang sa siguridad ni Trillanes.
Di mahimong dakpon ang senador kay wa pay warrant of arrest batok kaniya. Sa ato kon naa na ang arrest warrant ang taga CIDG ra sab diay ang modakop.
Para nako ang wa paggawas ni Trillanes isip sundawo nabasa na niini ang mga plano sa iyang kontra.
Daghan ang misaludo sa kaisog ni Trillanes kay way tihiktihik sa pagkastigo sa presidente nga nagbasi sa mga dokumento.
Tagaan og higayon
Samot pa karon nga naglisud ang katawhan misukarap ang panginabuhi gumilan sa inflation.
Kon imong tan-awon madawat sa matawhan ang nahitabong pagpamatay. Apan ang kalisud tungod sa kamahal sa mga palaliton di mahimong itak-om ang baba.
Gani matud pa sa aktibista bahalag mamatay sa pakigbisog kaysa mamatay sa ka gutom.
Ang presidente naa pangihapon koy pagtan-aw nga dunay pakabana sa mga kabus. Nakalimtan lang niini ang pagtagad sa ekonomiya kay na Focus sa kampanya batok sa illegal nga drugas.
Laktud pagka sulti puwerting banga-a sa iyang mga economic managers.Tabunan pa gani ang tinoorayng sitwasyon sa kalisud.
Atong tagaan ug kahigayunan ang Presidente nga makalihuk pinaagi sa pagtotok sa problema sa inflation.
Wana kinahanglana nga ipasangil ngadto sa oposisyon nga taga Liberal Party ug angkunon ang ilang bulilyaso aron maka abante nata sa unahan.
Email:efrenlonzon77@gmail.com Text:09235562777