PALO, LEYTE - Kawani sa gobyerno nasikop sa awtoridad sa gipahigayon nga buy bust operation.
Giila ang suspek nga si Benjamin Torreros, 36, taga Barangay Cogon, San Joaquin ning lungsod.
Ang suspek nalista nga high value target gumikan sa pag-alagad niini sa gobyerno.
Positibo ang gihimong pagpaniid sa mga awtoridad busa gilusad ang operasyon sa Barangay Salvacion ning lungsod.
Nasakmit gikan sa suspek ang tulo ka pakete sa gituhoang shabu nga dunay kantidad nga P2,720.00.
Nabalhog na sa selda ang suspek ug nag-atubang og kasong kalapasan sa Republic Act 9165. JKDP