ANG Davao City Traffic and Transport Management Office mopatuman sa “temporary partial road closure” sa may diversion road, partikular sa Laverna Hills, Buhangin, sa Septyembre 21 ngadto 25 ug Septyembre 28 ngadto Oktubre 2.
“The road closure is for the repair and maintenance of flood control and drainage by the Department Public Works and Highways XI in the area,” suma ni Dionisio Abude, hepe sa CTTMO.
Dugang ni Abude nga duha ka lanes lamang ang buksan sa Buhangin area mao nga mga motorista gipahimangnoan nga likayan una ang mosunod nga petsa.
“On September 21 to 25, two lanes will be closed for repairs and on September 28 to October 2, the other two lanes will be repaired,” ni Abude.
Giplastar sab niya ang alternate routes alang sa motorista.
Sa mga gikan og Panacan padung downtown, puwede moagi sa Sasa road padung sa R. Castillo Street.
Mga motorista nga gikan Buhangin mamahimong moliko patuo padung J.P. Laurel, Bajada.
Samtang mga drayber gikan Ulas mamahimong moagi sa McArthur Highway padung Quimpo Boulevard ngadto R. Castillo hangtud Sasa.
Ang City Government naghangyo og pasensiya sa publiko sa gipatumang implementasyon sa partial road closure. (PR)