SECTIONS
Thursday, September 20, 2018
SUPERBALITA CAGAYAN DE ORO

Pagpatuman sa smoke-free city ma-uktaba

POSIBLENG ma-uktaba una o dili mahinayon ang hingpit nga implementasiyon sa smoke-free Cagayan de Oro sunod bulan gumikan kay aduna pa’y mga kakulangon sa pagpatuman niini.

Giangkon ni Kagawad Ma. Lourdes Gaane, head sa smoke-free task force sa dakbayan ug chair sa kumitiba sa panglawas, nga posibleng dili mahinayon ang pag-implementar niini sunod bulan human sa sunod-sunod nga panagtagbo ug nakitang aduna’y kakulangon ilabi na sa membro sa task force.

Giingong niadtong milabay nga semana lamang gi-aprobahan ang dugang nga membro sama sa Kapisanan ng mga Brodkaster ng Pilipinas (KBP), Liga ng mga Barangay, youth, SK chairman, ug city legal.

“Maybe dii siguro ma push through pero I’m still hopeful nga ma push through ni by October pero naa pa gyud kakulangon so I do not want to implement a program nga medyo lisod just like what happen to tambay law” tipik sa pahayag ni Gaane.

Gidugang pa niini nga anaa na sa usa ka bulan nga information drive o pagpahibalo sa katawhan kalabot na niining pagdili sa pagpanigarilyo sa pampublikong dapit apan nakita nga aduna pa’y dakong kakulang gumikan na usab kay dili man sayon ang pagpatuman niining maong ordinansa.

Lisud pagpatuman

LISUD ang pagpatuman sa pagdili sa pagpanigarilyo sa mga publikong dapit tungod kay daghan ang maapektuhan, matud ni Kagawad Ma. Lourdes Gaane ang chairman sa Smoke-free task force sa dakbayan sa Cagayan de Oro.

“Kabalo ko daghan masuko ani, daghan pud ang malipay pero ang atong gitan-aw ani ang kaayohan man, especially panglawas,” dugang niini.

Nasayran nga plano sa gimugnang task force nga makig-benchmark sa Davao gumikan kay malampuson man ang pagpatuman niining maong bala-od sa nahisgutang siyudad.


VIEW COMMENTS