SECTIONS
Thursday, September 20, 2018
SUPERBALITA CAGAYAN DE ORO

Pagpanunglo dili angay sa usa ka pari

MISMONG kauban nga pari ang nakasaway sa pagpanunglo nga gihimo sa usa ka pari bag-ohay lamang ngadto kang Presidente Rodrigo Duterte.

Gibutyag ni Monsignor Rey Monsanto, kinsa presidente sa Archdiocese sa dakbayan sa Cagayan de Oro, nga dili maayo nga usa ka pari ang manunglo sa usa ka tao ma-presidente man kini og dili.

Ngani siya mismo nakasaway sa gihimo ni Fr. Noel Gatchalian sa kaulohan nga nagtunglo kang Presidente Rodrigo Duterte nga unta magkasakit kini.

Daw isip alagad sa Simbahan, dili maayo ang pagpanunglo hilabina nga ang ilang trabaho mao ang pagsangyaw sa maayong mensahe sa Diyos.

Kahinumduman nga si Father Gatchalian atol sa misa nga gipahigayon niini ngadto kang Senator Antonio Trillanes nagpasiaw nga og “I prayed Duterte will get sick.”

Miani kini ug daghang reaksyon hilabina gyod sa mga supporters sa presidente.

Apan sa speech ni Duterte iya kining gibaslan. “Saan ka nakakita ng pari na [mag-wish] ‘Mamatay sana si Duterte’? Sabihin ko na lang din, ‘mamatay sana kayong lahat ng venereal disease.” Matud sa president diin iyang gipasabot nga venereal desease usa ka sexually transmitted disease.

Bisan mga alagad sa simbahan nakahatag og reaksyon ug miingon nga dili na lamang unta tumpangan si Duterte tungod kay daghan na ang nasayod sa kinaiya niini, dili tanan ang gakahimout sa mga pamahayag niini.


VIEW COMMENTS